ⵉⵙⵖⵣⵏ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⴰⵙⵙ ⵏ ⵡⴰⵢⵏⴰⵙ ⴳ ⵜⵖⵉⵎⵉⵜ ⵏⵏⵙ ⵜⵓⵏⵣⵉⵍⵜ ⵏ ⵡⴰⵢⵢⵓⵔ ⵏ ⵎⴰⵕⵚ 2024 ⵏⵏⴰ ⵜⵙⵙⵉⵅⴼ ⵎⴰⵙⵙⴰ ⵎⴱⴰⵕⴽⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ, ⵙ ⵜⵉⵍⵉⵜ ⵏ ⵎⴰⵙⵙ ⵎⵓⵃⵎⵎⴰⴷ ⵏⵏⴰⵊⵎ ⴰⴱⵀⴰⵢ, ⵍⵡⴰⵍⵉ ⵏ ⵜⵎⵏⴰⴹⵜ, ⴷ ⵉⴷ ⵎⴰⵙⵙ ⵉⵏⴱⴱⴰⴹⵏ ⵏ ⵜⵙⴳⴳⵉⵡⵉⵏ ⵙ ⴽⵕⴰⴹⵜ, ⴷ ⵜⴰⵎⴰ ⵏ ⵉⴳⵎⴰⵎⵏ ⴷ ⵉⵎⵙⵖⴰⵏⵏ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ ⴷ ⵉⵏⵙⵙⵉⵅⴼⵏ ⵏ ⵜⵏⵓⴼⴰ ⵜⴰⵔ ⵜⵉⵏⴰⵎⵎⴰⵙⵉⵏ, ⵅⴼ ⵢⴰⵜ ⵜⴳⵔⵓⵎⵎⴰ ⵏ ⵜⵎⵢⴰⵇⵇⴰⵏⵉⵏ ⴷ ⵜⵓⵍⴽⵉⵎⵉⵏ ⵖⵓⵔ ⴰⴷⵔⵉⵣ ⴰⵏⴳⵎⵓ, ⵏⵏⴰ ⵉⵡⴰⵜⵜⵙⵏ ⵜⴰⵏⴽⵔⴰ ⵙ ⵢⵉⴳⵔ ⴰⵙⴳⵎⴰⵏ ⴷ ⵓⴷⵓⵙⴰⵏ ⴷ ⵓⴷⵍⵙⴰⵏ ⴳ ⵜⵎⵏⴰⴹⵜ, ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵓⵙⴷⵓⵙ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴳ ⵜⵎⵏⴰⴹⵜ.
ⴰⴼⴰⴷ ⴰⴷ ⵜⵉⵍⵉ ⵜⵏⴽⵔⴰ ⵙ ⵓⵙⴽⴽⵉⵏ ⴰⵙⴳⵎⴰⵏ ⴷ ⵓⵎⴰⵏⵓⵏ ⴳ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ, ⴷ ⵓⵙⵖⵓⴷⵓ ⵏ ⵜⵏⵓⴼⴰ ⵉⵜⵜⵓⴼⴽⴰⵏ ⴳ ⵓⵙⴰⵜⵉ ⴰⴷ, ⴰⴼⴰⴷ ⴰⴷ ⵢⵉⵍⵉ ⵓⵍⴽⴰⵎ ⵏ ⵜⵉⵏⵎⵍ ⵜⴰⴳⴷⵓⴷⴰⵏⵜ ⵖⵓⵔ ⴰⵖⵓⴷⵓ ⵉ ⴽⵓ ⵢⴰⵏ, ⵉⵜⵜⵓⵙⴽⴰⵔ ⵓⵙⵖⵣⵏ ⵅⴼ ⵜⵎⵢⴰⵇⵇⴰⵏⵜ ⵏ ⵓⴷⵔⴰⵡ ⴳ ⵎⴰⴷ ⵉⵥⵍⵉⵏ ⵙ ⵓⵙⵥⵕⴼ ⴷ ⵜⵉⴳⴳⵉ ⵏ ⵓⵖⴰⵡⴰⵙ ⵏⵡⵓⵍⵓⵢ ⵙ ⵓⵙⴽⴽⵉⵏ ⴰⵙⴳⵎⴰⵏ ⴷ ⵓⵎⴰⵏⵓⵏ ⵙ ⵢⴰⵜ ⵜⴷⵔⵉⵎⵜ ⵏ 646 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ, ⵜⵓⵛⴽⴰ ⴷ ⵜⵎⵢⴰⵇⵇⴰⵏⵜ ⴰⴷ ⴳ ⵓⵙⴰⵜⵉ ⵏ ⵓⵣⵓⴳⵣ ⵏ ⵜⴽⴰⵕⴹⴰ ⵏ ⵓⴱⵔⵉⴷ 2022- 2026.
ⴳ ⵓⵙⴰⵜⵉ ⵏ ⵜⵏⴽⵔⴰ ⵙ ⵢⵉⴳⵔ ⴰⴷⵍⵙⴰⵏ, ⵉⵜⵜⵓⵙⴽⴰⵔ ⵓⵙⵖⵣⵏ ⵅⴼ ⵢⴰⵜ ⵜⴳⵔⵓⵎⵎⴰ ⵏ ⵜⵎⵢⴰⵇⵇⴰⵏⵉⵏ ⵉⴽⵛⵎⵏ ⴳ ⵓⵖⴰⵡⴰⵙ ⵏ ⵜⴳⵎⵉ ⵜⴰⵏⵎⵏⴰⴹⵜ ⵏ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ 2022- 2027, ⵏⵏⴰ ⵢⵓⵎⴰⵏ ⵜⴰⵎⵢⴰⵇⵇⴰⵏⵜ ⵏ ⵓⴷⵔⴰⵡ ⵜⵡⴰⵜⵜⵙ ⴰⵙⴱⵓⵖⵍⵓ ⴷ ⵓⵙⵎⵙⵉ ⵏ ⵓⴼⵙⵔ ⴰⴷⵍⵙⴰⵏ ⴷ ⵓⵄⵓⵔⵎⴰⵏ ⴳ ⵜⵎⵏⴰⴹⵜ ⵙ ⵢⴰⵜ ⵜⴷⵔⵉⵎⵜ ⵜⴰⵎⵙⵎⵓⵏⵜ ⵏ 312 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ, ⴷ ⵜⵎⵢⴰⵇⵇⴰⵏⵜ ⵏ ⵡⴰⵏⵏⴰⵍ ⴷ ⵓⵙⵉⵜⴳ ⵏ ⵡⴰⵢⴷⴰ ⴳ ⵜⵎⵏⴰⴹⵜ ⵙⴳ ⵓⵙⵔⵓⵙ ⵏ ⵜⵎⵙⵙⵓⵔⵜ ⵏ ⵜⴳⵎⵉ ⵜⴰⵏⵎⵏⴰⴹⵜ ‘’ ⴰⴳⵯⵍⵎⵉⵎ ⵡⴰⴷ ⵏⵓⵏ ⵜⴰⴷⵍⵙⴰ ⴷ ⵡⴰⵢⴷⴰ’’ ⴷ ⵓⵍⴰ ⴰⵙⵖⵣⵏ ⵅⴼ ⵓⵏⴳⵔⴰⵡ ⴰⴷⵙⵍⴰⵏ ⵏ ⵜⵎⵙⵙⵓⵔⵜ ⵏ ⵜⴳⵎⵉ ⵜⴰⵏⵎⵏⴰⴹⵜ ⵙ ⵢⴰⵜ ⵜⴷⵔⵉⵎⵜ ⵏ 4 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ, ⴷ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵙ ⵓⵙⵖⵓⴷⵓ ⵏ ⵉⵏⵎⵓⵇⵇⴰⵔⵏ ⵉⴷⵍⵙⴰⵏⵏ ⴷ ⵉⵎⵙⵙⵓⵔⴰⵔⵏ ⴷ ⵓⵙⵎⵓⵙⵙⵓ ⴰⴷⵍⵙⴰⵏ ⴷ ⵡⴰⵏⵏⴰⵍ ⵏ ⵜⵉⵍⴰⵍ ⵏ ⵡⴰⴷⴰⵙ ⴳ ⵜⵎⵏⴰⴹⵜ, ⵖ ⵏⵉⵜ ⵍⵍⴰⵏⵜ ⵜⵎⵙⵎⵓⵏⵉⵏ ⵜⵜⵎⵓⵙⵙⵓⵏⵉⵏ ⴷ ⵡⵓⴳⴳⵉⴷⵏ ⵉⵏⵉⵎⴰⵏⵏ ⴷ ⵉⵡⵏⴳⵉⵎⵏ ⵙⵡⵓⵔⵉⵏⵉⵏ ⴳⵢⵉⴳⵔ ⴰⵥⵓⵕⴰⵏ ⴷ ⵓⴷⵍⵙⴰⵏ ⴷ ⵓⵏⵖⵎⴰⵙ ⴰⴳⵯⵏⵙ ⵏ ⵡⴰⴽⴰⵍ ⵏ ⵜⵏⴱⴰⴹⵜ, ⵙ ⵢⴰⵜ ⵜⴷⵔⵉⵎⵜ ⵜⴰⵎⵙⵎⵓⵏⵜ ⵏ 48 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ, ⵜⴰⵎⴰ ⵏ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⴷⵔⴰⵡ ⵜⵓⵙⵍⵉⴳⵜ ⵉⵣⴷⵉⵏ ⴷ ⵜⴽⵏⵏⴰⵡⵜ ⴷ ⵓⵙⵖⵔⵜ ⵏ ⵡⴰⵢⴷⴰ ⴳ ⵜⵎⵏⴰⴹⵜ ⵙ ⵜⴷⵔⵉⵎⵜ ⵏ 94 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ.
ⵎⴽⵍⵍⵉ ⵉⵜⵜⵓⵙⴽⴰⵔ ⵓⵙⵖⵣⵏ ⵜⵉⵣⵉ ⵏ ⵜⵉⵍⴰⵍ ⵏ ⵜⵙⵓⵜⵍⵜ ⴰⴷ ⵅⴼ ⵜⵎⵢⴰⵇⵇⴰⵏⵜ ⵏ ⵓⴷⵔⴰⵡ ⵉⵣⴷⵉⵏ ⵙ ⵓⵙⵥⵕⴼ ⴷ ⵜⵉⴳⴳⵉ ⵏ ⵓⵙⵏⵜⵉ ⵏ ⵓⵙⵖⵔⵜ ⵏ ⵜⵖⵔⵎⵜ ⵜⴰⵣⴰⵢⴽⵓⵜ ⵏ ⵓⴳⵯⵍⵎⵉⵎ ⵙ ⵢⴰⵏ ⵡⴰⵜⵉⴳ ⴰⵎⵙⵎⵓⵏ ⵏ 120 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ, ⴷ ⵓⵍⴰ ⵜⴰⵎⵢⴰⵇⵇⴰⵏⵜ ⵏ ⵓⴷⵔⴰⵡ ⵉⵣⴷⵉⵏ ⵙ ⵓⵎⴰⵡⴰ ⵏ ⵜⴷⴰⵍⴰ ⵏ ⵉⴼⵙⴰⵔⵏ ⴷ ⵜⵉⵏⴰⵡⵉⵏ ⴳ ⵜⴳⵔⴰⵡⵜ ⵏ ⵍⵎⴰⵃⴱⴰⵙ ⴳ ⵜⵙⴳⴰ ⵏ ⵓⵙⴰ ⵥⵥⴰⴳ, ⵙ ⵢⴰⵏ ⵡⴰⵜⵉⴳ ⵢⴰⵥⵏ 8 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ.
ⴳ ⵢⵉⴳⵔ ⴰⴷⵓⵙⴰⵏ, ⵉⵜⵜⵓⵙⴽⴰⵔ ⵓⵙⴳⵎⴹ ⵅⴼ ⵜⵎⵢⴰⵇⵇⴰⵏⵜ ⵏ ⵓⴷⵔⴰⵡ ⴰⵙⴰⵜⵉ ⵉ ⵜⵏⴽⵔⴰ ⵙ ⵢⵉⴳⵔ ⵏ ⵜⴷⵓⵙⵉ ⴳ ⵜⵎⵏⴰⴹⵜ ⵙ ⵢⴰⵏ ⵡⴰⵜⵉⴳ ⵉⵍⴽⵎⵏ 443 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ, ⴷ ⵜⵎⵢⴰⵇⵇⴰⵏⵜ ⵏ ⵓⴷⵔⴰⵡ ⵉ ⵡⴰⵍⴰⵙ ⵏ ⵓⵙⵖⵔⵜ ⴷ ⵓⵎⴰⵡⴰ ⵏ ⵡⴰⵎⵎⴰⵙ ⵏ ⵓⵙⵉⵣⴷⴳ ⵏ ⵉⴷⴰⵎⵎⵏ ⵉ ⵉⵎⵓⴹⴰⵏⵏ ⵏ ⵓⵡⵃⴰⵍ ⵏ ⵜⴳⵥⵥⴰⵍ ⴳ ⵜⵙⴳⴰ ⵏ ⵟⴰⵏⵟⴰⵏ ⵙ ⵢⴰⵜ ⵜⴷⵔⵉⵎⵜ ⵢⵉⵡⴹⵏ 2 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ, ⴷ ⵓⵍⴰ ⵜⴰⵎⵢⴰⵇⵇⴰⵏⵜ ⵜⴰⵙⵏⵎⴰⵏⵜ ⴳ ⵓⵙⴽⴽⵉⵏ ⵏ ⵓⵙⵥⵍⵉ ⵏ ⵡⴰⴽⴰⵍ ⵏⵏⴰ ⴳ ⵔⴰⴷ ⵢⵉⵍⵉ ⵓⵙⴳⵏⴰⴼ ⵏ ⵡⴰⴷⴰⵙ ⴳ ⵜⴳⵔⴰⵡⵜ ⵏ ⵍⴰⵅⵚⴰⵚ ⵙ ⵢⴰⵜ ⵜⴷⵔⵉⵎⵜ ⵜⴰⵎⵙⵎⵓⵏⵜ ⵏ 454.552,00 ⵏ ⵉⴷⵔⵀⵎⵏ.
ⴳ ⵜⵙⴳⴰ ⵢⴰⴹⵏ, ⵢⵓⵎⴰ ⵓⵖⴰⵡⴰⵙ ⵏ ⵜⵉⵍⴰⵍ ⵏ ⵜⵙⵓⵜⵍⵜ, ⴰⵙⵖⵣⵏ ⵅⴼ ⵜⵎⵢⴰⵇⵇⴰⵏⵜ ⵏ ⵓⴷⵔⴰⵡ ⵉ ⵓⵙⴷⵓⵙ ⵏ ⵜⵏⵓⴼⴰ ⵉⵜⵜⵓⴼⴽⴰⵏ ⵉ ⵉⵎⵖⵣⵓⵜⵏ ⴳ ⵜⵎⵏⴰⴹⵜ ⵙ ⵢⴰⵏ ⵡⴰⵜⵉⴳ ⴰⵎⵙⵎⵓⵏ ⵉⵍⴽⵎⵏ 6 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ.
ⵙ ⵎⴰⴷ ⵉⵥⵍⵉⵏ ⵙ ⵓⵙⴷⵓⵙ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⵎⴰⴷⴷⴰⵔⵉⵏ, ⵉⵜⵜⵓⵙⴽⴰⵔ ⵓⵙⴳⵎⴹ ⵅⴼ ⵓⴹⴼⵉⵕ ⵏ ⵜⵎⵢⴰⵇⵇⴰⵏⵜ ⵏ ⵓⴷⵔⴰⵡ ⵉ ⵜⵓⵚⴽⴰ ⴷ ⵓⵎⴰⵡⴰ ⵏ ⴽⴽⵓⵥⵜ ⵜⵎⵖⵔⴰⵙⵉⵏ ⴳ ⵜⵖⵔⵎⵉⵏ ⵏ ⵓⴳⵯⵍⵎⵉⵎ, ⵟⴰⵏⵟⴰⵏ, ⵙⵉⴷⵉ ⵉⴼⵏⵉ ⴷ ⵓⵙⴰ, ⵙ ⵢⴰⵜ ⵜⴷⵔⵉⵎⵜ ⵏ 92 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ, ⴷ ⵓⵍⴰ ⵜⴰⵎⵢⴰⵇⵇⴰⵏⵜ ⵜⵓⵙⵍⵉⴳⵜ ⵏ ⵓⴷⵔⴰⵡ ⴷ ⵓⵎⵢⴰⵡⴰⵙ ⵉⵡⴰⵜⵜⵙⵏ ⴰⵙⵔⵓⵙ ⴷ ⵓⵙⵖⵔⵜ ⵏ ⵡⴰⵍⴰⵙ ⵏ ⵓⵎⴰⵡⴰ ⵏ ⵉⴳⴰⴷⴰⵣⵏ ⵉⵏⵎⴰⵍⴰⵙⵙⵏ ⴳ ⵡⴰⴽⴰⵍ ⵏ ⵜⵎⵏⴰⴹⵜ ⵙ ⵢⴰⵏ ⵡⴰⵜⵉⴳ ⵏ 60 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ, ⴷ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵙ ⵢⵉⵎⵉⵥ ⵏ ⵜⵖⵜⴰⵙⵜ ⴰⴷ ⵜⴼⵍ ⴰⵢⴷⴰ ⵏ ⵉⴽⴰⵍⵉⵡⵏ ⴷ ⵉⵇⵇⴰⵏⵏ ⵏ ⵓⵙⴷⴷⵓⵍ ⵏ ⵓⴹⴼⵉⵕ ⵏ ⵓⵙⵖⵉⵎ ⵏ ⵜⵎⵏⴰⴹⵜ ⴷ ⵓⵙⵖⵉⵎ ⵏ ⵜⵙⵏⵓⵔⴰⵢⵜ ⵜⴰⵏⵎⵏⴰⴹⵜ ⵏ ⵓⵣⵣⴳⵉⵔ ⵏ ⵉⵙⵏⵜⴰⵢ ⴳ ⵜⵖⵔⵎⵜ ⵏ ⵓⴳⵯⵍⵎⵉⵎ.
ⴳ ⵓⵎⵏⴰⴹ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⵜⴷⵔⵓⵜ ⵏⵏⵙ ⵜⴰⴼⵔⵉⵇⵉⵜ, ⵉⵙⵖⵣⵏ ⵓⵙⵇⵇⵉⵎ ⵅⴼ ⵜⵎⵢⴰⵇⵇⴰⵏⵜ ⵏ ⵓⴷⵔⴰⵡ ⵉ ⵓⵙⵥⵕⴼ ⴷ ⵓⵣⵣⴳⵉⵔ ⵏ ⵉⵙⵏⵜⴰⵢ ⴷ ⵜⵏⵓⴼⴰ ⵉⵣⴷⵉⵏ ⵙ: ⵡⴰⵍⴰⵙ ⵏ ⵡⵓⴳⴳⵓⴳ ⴽⵓⵛⵉⵏⴳ, ⴷ ⵜⵓⵚⴽⴰ ⵏ ⵓⴱⵔⵉⴷ ⵏ ⵡⴰⴷⴰⴼ ⴳ ⵓⵣⴰⵔⵓ ⵏ 3.5 ⵏ ⵉⴷ ⴽⵉⵍⵓⵎⵉⵟⵕ, ⴷ ⵓⵙⵡⴰⵔ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵉⵣⴷⵉⵏ ⵙ ⵓⵙⵃⵔ ⴳ ⵜⴳⵔⴰⵡⵜ ⵜⴰⵎⵓⵔⴰⵏⵜ ⵏ ⵜⵏⴱⴰⴹⵜ ⵏ ⵜⵙⵓⵏⴹⵜ ⵏ ⵙⵉⵢⴰⵢⴰ, ⵙ ⵢⴰⵏ ⵡⴰⵜⵉⴳ ⵏ 4 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ, ⴷ ⵜⵎⵢⴰⵇⵇⴰⵏⵜ ⵜⴰⵙⴰⵜⵉⵜ ⵏ ⵓⵎⵢⴰⵡⴰⵙ ⴰⵔⵏⴰⵎⵎⴰⵙⴳⵔ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⴷ ⵜⵙⵓⵏⴹⵜ ⵏ ⵎⴰⵟⴰⵎ ⴳ ⵓⵡⴰⵏⴽ ⵏ ⵙⵙⵉⵏⵉⴳⴰⵍ.
ⴳ ⵢⵉⴳⵔ ⵏ ⵓⵙⵎⵓⵜⵜⴳ ⴷ ⵡⵓⵜⵓⵢ ⴷ ⵓⵙⵎⵏⵉⴷ ⵏ ⵜⵎⵓⵣⴰⵢⵜ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵉⵜⵜⵓⵙⴽⴰⵔ ⵓⵙⴳⵎⴹ ⵅⴼ ⵜⵎⵢⴰⵇⵇⴰⵏⵜ ⵜⴰⵙⴰⵜⵉⵜ ⵏ ⵓⴷⵔⴰⵡ ⴷ ⵓⵎⵢⴰⵡⴰⵙ ⴳⵔ ⵓⵙⵇⵇⵉⵎ ⵏ ⵜⵎⵏⴰⴹⵜ ⴷ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵜⵓⵍⴳⵉⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ ⵉⴹⴼⵕⵏ ⵉ ⵜⵙⴷⴰⵡⵉⵜ ⵏ ⵄⴱⴷⵍⵎⴰⵍⴽ ⵙⵙⵄⴷⵉ ⴳ ⵜⵉⵟⵡⴰⵏ, ⴷ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴷ ⵓⴷⵔⴰⵡ ⴳ ⵢⵉⴳⵔ ⵏ ⵓⵙⵎⵓⵜⵜⴳ ⴷ ⵓⵙⵎⵓⵜⵜⴳ ⴰⵙⵓⵍⴰⵏ ⴷ ⵓⵔⵣⵣⵓ ⴰⵎⴰⵙⵙⴰⵏ ⴳⵔ ⵓⵙⵇⵇⵉⵎ ⵏ ⵜⵎⵏⴰⴹⵜ ⴷ ⵜⵖⵉⵡⴰⵏⵜ ⵏ ⵜⵏⵏⵓⴱⴹⴰ ⴷ ⵜⵎⴰⵙⵙⴰⵏⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⵉⴹⴼⵕⵏ ⵉ ⵜⵙⴷⴰⵡⵉⵜ ⵏ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵜⴰⴳⵕⵥⵍⴰⵢⵜ ⴷ ⵜⴻⵜⵉⵇⵏⵉⵜ ⵙ ⵢⴰⵏ ⵡⴰⵜⵉⴳ ⵏ 7.5 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ.
ⵉⵙⵖⵣⵏ ⵓⵙⵇⵇⵉⵎ ⵓⵍⴰ ⵅⴼ ⵓⵙⵏⴼⵍ ⵏ ⵉⴷⵔⵉⵎⵏ ⴰⴼⴰⴷ ⴰⴷ ⵢⵉⵍⵉ ⵓⵙⵥⵕⴼ ⵏ ⵉⵙⵏⵜⴰⵢ ⴷ ⵜⵏⵓⴼⴰ ⵉⵥⴷⵉⵏ ⵙ ⵜⴳⵎⵉ ⵜⴰⵏⵎⵏⴰⴹⵜ.
ⴳ ⵜⴳⵉⵔⴰ ⵏ ⵜⵉⵍⴰⵍ ⵏ ⵜⵙⵓⵜⵍⵜ ⴰⴷ, ⵜⴻⵜⵜⵢⴰⵍ ⵜⴱⵔⴰⵜ ⵏ ⵜⵎⵏⵉⵍⵜ ⴷ ⵓⵙⵓⴼⵓ ⵉ ⵜⴷⴰⴱⵓⵜ ⵢⴰⵜⵜⵓⵢⵏ ⵙ ⵕⴱⴱⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵢⴰⵡⵙ ⴰⵙ.