ⵉⴳⴰ ⵢⵉⴳⵔ ⵏ ⵜⴳⴰⵢⴽⴰ ⵙⴳ ⵉⴳⵔⴰⵏ ⵉⴷⵙⵍⴰⵏⵏ ⴳ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ, ⵜⵍⴽⵎ ⵜⵊⵓⵎⵎⴰ ⵉⴳⴰⵏ ⵉ ⵜⴽⵔⵣⴰⵓⴳⴳⴰ ⵏ 191 ⵏ ⵢⵉⴼⴹ ⵏ ⵓⵀⵉⴽⵟⴰⵕ, ⴷ ⵓⵙⵥⵍⴰⵢ ⵏ 45% ⵉ ⵜⴽⵔⵣⴰ ⵏ ⵉⵎⵏⴷⵉ ⵙ ⵜⵏⴰⵍⵉⵜ ⵅⴼ ⵉⵏⴳⵉⵜⵏ ⴷ ⵉⵙⴰⴼⴼⵏ ⵏ ⵜⵙⴳⴰ. ⵜⵥⵍⵉ ⵜⵎⵏⴰⴹⵜ ⵙ ⵜⵊⵓⵎⵎⵉⵏ ⵜⵉⵎⵉⵔⵉⵡⵉⵏ ⵏ ⵉⵍⵎⵓⵜⵏ ⵍⴽⵎⵏ ⴰⵔ 3.5 ⵏ ⵉⴷ ⵎⵍⵢⵓⵏ ⵏ ⵓⵀⵉⴽⵟⴰⵕ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴱⵓⵖⵍⵓ ⵏ ⵜⴽⵙⵙⴰⴱⵜ, ⵍⵍⵉⵖ ⵜⵍⴽⵎ ⵜⴳⵯⵣⴷⵉⵜ ⵏ ⵉⵎⵓⴷⴰⵔ ⵓⴳⴳⴰⵔ ⵏ 350 ⵏ ⵢⵉⴼⴹ ⵏ ⵉⵣⴰⵎⴰⵔⵏ ⴷ ⵡⴰⵖⴰⴹ, 45 ⵏ ⵢⵉⴼⴹ ⵏ ⵓⵕⴰⵎ.
ⵜⴳⴰ ⵜⵎⵏⴰⴹⵜ ⴰⵎⵓⵔ ⵏ ⵜⵖⵍⵉⵡⵉⵏ ⵏ ⵓⴳⵊⵊⵓⴼ ⴷ ⵓⵣⴰⵜⵉⵎ ⵉⵜⵜⵓⵜⵏ ⴳ 2500 ⵏ ⵓⵀⵉⴽⵟⴰⵕ, ⴷ ⵜⵔⴳⴰⵏⵉⵏ ⵏ ⵡⴰⵔⴳⴰⵏ ⵏⵏⴰ ⵉⴷⵍⵏ 127 ⵏ ⵢⵉⴼⴹ ⵏ ⵓⵀⵉⴽⵟⴰⵕ, ⴰⵢⵍⵍⵉ ⵢⴰⴽⴽⴰⵏ ⵜⵉⵎⵍⴷⴰ ⵏ ⵜⵡⵓⵔⵉ ⵉⵥⵍⵉⵏ ⵙ ⵜⵡⵜⵎⵉⵏ ⴳ ⵢⵉⴳⵔ ⵏ ⵓⵙⵉⵜⴳ ⵏ ⵉⵢⴰⴼⵓⵜⵏ ⵏ ⵡⴰⵔⴳⴰⵏ. ⵎⴽⵍⵍⵉ ⵜⵥⵍⵉ ⴰⵡⴷ ⵙ ⵓⴽⵏⴰⵔⵉ ⵉⴳ ⵢⴰⵏ ⵙⴳ ⵜⵎⵥⵥⵓⵜⵉⵏ ⵜⵉⴷⵙⵍⴰⵏⵉⵏ, ⵎⵇⵇⴰⵔ ⵉⵜⵜⵓⵜ ⵙ ⵜⴱⵅⵅⵓⵛⵜ ⵏ ⵜⴰⴽⴰⵡⵜ, ⵎⴰⵛⵛ ⵜⵓⴳⴳⴰⵙ ⵉⵜⵜⵓⴼⴽⴰⵏ ⴳ ⵡⴰⵍⴰⵙ ⵏ ⵓⵥⵥⵓ ⵏ 26 ⵏ ⵢⵉⴼⴹ ⵏ ⵓⵀⵉⴽⵟⴰⵕ ⵏ ⵓⴽⵏⴰⵔⵉ ⴰⵎⵥⵉⴹⵕ, ⴷⴰ ⵜⵙⴷⴷⵉⴷⵏⵜ ⵅⴼ ⵜⵙⵓⵍⵜ ⵏ ⵜⵉⵍⴰⵍⵜ ⴰⴷ.
ⵙ ⵜⵡⵉⵙⵉ ⵏ ⵓⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰⵡ, ⵜⵥⵕⴰ ⵜⵎⵏⴰⴹⵜ ⵢⴰⵜ ⵜⵎⵔⵏⵉⵡⵜ ⵉⴼⴰⵡⵏ ⴳ ⵢⵉⴳⵔ ⵏ ⵜⴳⴰⵢⴽⴰ, ⵍⵍⵉⵖ ⵉⵜⵜⵓⵙⴽⴰⵔ ⵓⵎⴰⵡⴰ ⵏ 5300 ⵏ ⵓⵀⵉⴽⵟⴰⵕ ⵙ ⵓⵏⴳⵔⴰⵡ ⵏ ⵓⵙⵃⵔ ⵙ ⵓⵙⵏⵇⴹ, ⴰⵢⵍⵍⵉ ⵢⵉⵡⵙⵏ ⴳ ⵓⴼⴰⵔⵙ ⵏ ⵉⵛⴰⴽⴰⵏ ⴷ ⵉⴳⵓⵎⵎⴰ. ⵎⴽⵍⵍⵉ ⵉⵣⵣⵔⵉ ⵓⵙⵙⴰⵔⵓ ⴰⵎⵥⵍⴰⵢ ⴳ ⵢⵉⴳⵔ ⵓⴳⵢⵉⴽ ⴳⵔ 2008 ⴷ 2022 ⵓⴳⴳⴰⵔ ⵏ 642 ⵏ ⵉⴷ ⵎⵍⵢⵓⵏ ⵏ ⵉⴷⵔⵀⵎⵏ, ⴰⵢⵍⵍⵉ ⵉⵎⵎⴰⵍⵏ ⵜⵉⵏⵏⵓⵣⵖⴰ ⴷ ⵜⵥⵉⴹⴰⵕ ⵏ ⵜⵎⵏⴰⴹⵜ ⵜⵉⵎⵣⵡⴰⵔ.
