ⵜⴰⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⴷ ⵜⴰⵎⵏⴰⴹⵜ ⵜⵉⵙ ⵎⵔⴰⵡⵜ ⵙⴳ ⵙⵏⴰⵜ ⴷ ⵎⵔⴰⵡⵜ ⵏ ⵜⵎⵏⴰⴹⵉⵏ ⵙ ⵜⵏⴰⵍⵉⵜⵅⴼ ⵓⴱⵟⵟⵓ ⴰⵏⵎⵏⴰⴹ ⴰⵎⴰⵢⵏⵓ ⵏ ⵓⵙⴳⴳⵯⴰⵙ 2015. ⵖⵓⵔⵙ ⵢⴰⵏ ⵡⴰⵏⵙⴰ ⵉⵙⵎⴷⵢⴰⵏ ⴰⵎⵎⴰⵙ ⵏ ⵍⵎⵖⵔⵉⴱ, ⵜⵏⵏⵓⵕⵥⵎ ⵅⴼ ⵢⵉⵍⵍ ⴰⵟⵍⴰⵏⵜⵉ, ⵢⵉⵍⵉ ⴷⴰⵔⵙ ⵢⴰⵏ ⵢⵉⴳⵔ ⴰⵊⵢⵓⴳⵕⴰⴼⵉ ⴰⵎⵢⴰⵏⴰⵡ, ⴳⵍⵉⵏ ⵜⵜ ⵉⴷ ⴽⵕⴰⴹ ⵉⵡⵜⵜⴰ ⴷ ⴷⵣⴰⵢ ⴷ ⵎⵓⵕⵉⵟⴰⵏⵢⴰ ⴷ ⵜⴳⵣⵉⵔⵉⵏ ⵜⵉⴽⵏⴰⵔⵉⵢⵉⵏ, ⵙ ⵓⵢⴰ ⵉⴳⴰ ⵡⴰⵎⵎⴰⵙ ⴰⴷ ⴰⵊⵢⵓⴳⵕⴰⴼⵉ ⴷ ⵓⵙⵜⵕⴰⵜⵉⵊⵉ ⵔⴰⴷ ⴰⵙ ⵢⴰⵡⵙ ⴰⴷ ⵜⴻⵜⵜⴳⴳ ⵜⴰⵎⵍⴰⵍⵜ ⵏ ⵓⵎⵣⴷⴰⵢ ⴳⵔ ⵜⵙⴳⴳⵉⵡⵉⵏ ⵏ ⵢⵉⴼⴼⵓⵙ ⴷ ⵡⴰⴽⴰⵍ ⴰⴽⴽⵯ ⵏ ⵜⴳⵍⴷⵉⵜ.
ⴰⵎⵢⴰⵏⴰⵡ ⵏⵏⵙ ⴰⴼⵔⴽⴰⵏ ⴷ ⵓⴳⴰⵎⴰⵏ, ⵙ ⵜⵥⵉⴹⴰⵕ ⵜⵉⴷⵎⵙⴰⵏⵉⵏ, ⵜⵉⵎⴰⵍⵍⴰⵢⵉⵏ, ⵜⵉⴷⵍⵙⴰⵏⵉⵏ, ⵜⵉⵎⵣⵔⴰⵢⵉⵏ, ⵜⵉⴽⵓⵍⵓⵊⵉⵢⵉⵏ, ⴰⵔ ⵉⵜⵜⴰⵊⵊⴰ ⵜⴰⵎⵏⴰⴹⵜ ⴷ ⴰⵙⴰⵡⵔ ⵉⵏⵏⵓⵕⵥⵎⵏ ⵉ ⵉⵙⵏⵜⴰⵢ ⵉⵎⵇⵇⵔⴰⵏⵏ ⵉⵏⵎⴰⵍⴰⵏ ⴷ ⵉⵎⵙⵉⴷⴼⵏ, ⴷⴰ ⵉⵜⵜⵉⵡⵣ ⵅⴼ ⵓⵣⵓⴳⵣ ⵏⵏⵙⵏ ⴰⵙⵇⵇⵉⵎ ⵏ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ, ⵙⴳ ⵢⴰⵏ ⵢⵉⵥⵕⵉ ⴰⵎⴽⴰⵢⵍⴰⵍ ⵉⵙⴷⵉⴽⴽⵏ ⵅⴼ ⵓⵙⵉⵜⴳ ⵏ ⵜⵎⵏⴰⴹⵜ ⴷ ⴰⴷ ⵜⴳ ⵉⴳⵊⴷⵉ ⵏ ⵓⵍⴷⴰⵢ ⴰⴷⵎⵙⴰⵏ ⴷ ⵓⵎⴰⵍⵍⴰⵢ, ⵜⴳ ⴰⵡⴷ ⵜⴰⵡⵡⵓⵔⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ ⴷ ⵜⵅⵔⵙⵜ ⵏ ⵓⵣⴷⴰⵢ ⴳⵔ ⵢⵉⵥⵥⵍⵎⴹ ⴷ ⵢⵉⴼⴼⵓⵙ ⵏ ⵜⴳⵍⴷⵉⵜ.
ⵜⵙⵎⵓⵏ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⴽⴽⵓⵥⵜ ⵜⵙⴳⴳⵉⵡⵉⵏ: ⵜⴰⵙⴳⴰ ⵏ ⵓⴳⵯⵍⵎⵉⵎ, ⵜⴰⵙⴳⴰ ⵏ ⵙⵉⴷⵉ ⵉⴼⵏⵉ, ⵜⴰⵙⴳⴰ ⵏ ⵟⴰⵏⵟⴰⵏ, ⵜⴰⵙⴳⴰ ⵏ ⵓⵙⴰ ⵥⵥⴰⴳ, ⵜⴱⴹⵓ ⵅⴼ 53 ⵏ ⵜⴳⵔⴰⵡⵜ, ⴷⵉⴳⵙ 8 ⵜⴳⵔⴰⵡⵉⵏ ⵜⵉⵖⵔⵎⴰⵏⵉⵏ, ⵜⴰⵎⵥ ⵢⴰⵜ ⵜⵊⵓⵎⵎⴰ ⵏ 46108 ⵏ ⵉⴷ ⴽⵉⵍⵓⵎⵉⵟⵕ ⴰⵎⴽⴽⵓⵥ ⴷ ⵖⵓⵔⵙ 433.757 ⵏ ⵓⵎⵣⴷⴰⵖ.
