ⵜⴰⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⵜⵥⵍⵉ ⵙ ⵓⵎⵣⵔⵓⵢ ⴰⵇⴱⵓⵔ ⵏⵏⴰ ⵉⵣⴷⵉⵏ ⵙ ⵡⴰⵏⵙⴰ ⵏⵏⵙ ⴰⵊⵢⵓⴳⵕⴰⴼⵉ ⴰⵙⵜⵕⴰⵜⵉⵊⵉ ⵏⵏⴰ ⵜⵜ ⵢⵓⵊⵊⴰⵏ ⵙⴳ ⵉⵣⵎⴰⵣ ⴷ ⵢⴰⵏ ⵓⴳⵔⴱⵔⵉⴷ ⵏ ⵜⵖⵔⵎⵉⵡⵉⵏ ⴷ ⵢⴰⵏ ⵡⴰⵎⵎⴰⵙ ⵏ ⵓⵙⵏⴼⵍ ⴰⵙⵖⵏⵣⵉ ⴷ ⵓⴷⵍⵙⴰⵏ ⴳⵔ ⵢⵉⵥⵥⵍⵎⴹ ⵏ ⵍⵎⵖⵔⵉⴱ ⴷ ⵢⵉⴼⴼⵓⵙ ⵏⵏⵙ. ⵙⴳ ⵜⴰⵙⵓⵜⵉⵏ ⵜⴽⴽⴰ ⵜⵜ ⵉⵏⵏ ⵜⵙⴳⴰ ⴷ ⵢⴰⵏ ⵓⵙⵔⵙ ⴰⴷⵙⵍⴰⵏ ⵏ ⵉⴽⴰⴱⴰⵕⵏ ⵉⵙⵖⵏⵣⵉⵜⵏ ⵏⵏⴰ ⵉⵣⴷⴷⵉⵏ ⵍⵎⵖⵔⵉⴱ ⵙ ⵜⴷⵔⵓⵜ ⵏ ⵜⴼⵔⵉⵇⵜ, ⴷ ⵜⴱⵓⵖⵍⵓ ⵙ ⵜⵡⵉⵙⵉ ⵏ ⵜⵎⵍⴰⵍⵜ ⴰⵎ ⵜⵉⵏⴷⵔⵜ ⵏ ⵓⵣⴷⴰⵢ ⴳⵔ ⵜⵖⵔⵎⵉⵡⵉⵏ ⵏ ⵍⵎⵖⵔⵉⴱ ⴰⵎⵇⵇⵔⴰⵏ ⴷ ⵜⴼⵔⵉⵇⵜ ⵉⴼⴼⵓⵙ ⵏ ⵜⵏⵣⵔⵓⴼⵜ.

ⴰⵙⵖⵏⵣⵉ ⴳ ⵜⵙⴳⴰ ⵏ ⵡⴰⴷ ⵏⵓⵏ:

ⵜⵥⵕⴰ ⵜⵙⴳⴰ ⵏ ⵡⴰⴷ ⵏⵓⵏ ⵙⴳ ⵓⵎⵣⵔⵓⵢ ⵏⵏⵙ, ⵙ ⵓⵎⴷⵔⵓⵙ ⵙⴳ ⵓⴽⵛⵛⵓⵎ ⵏ ⵉⵎⵓⵙⵍⵎⵏ ⵙ ⵢⵉⵥⵥⵍⵎⴹ ⵏ ⵜⴼⵔⵉⵇⵜ, ⵢⴰⵏ ⵓⵏⵏⵓⵛⴳ ⵎⵇⵇⵓⵔⵏ ⴳ ⵓⴱⵓⵖⵍⵓ ⴰⵙⵖⵏⵣⵉ ⵙⴳ ⵉⴳⵎⵎⵓⴹⵏ ⵏ ⵢⵉⵥⵥⵍⵎⴹ ⴷ ⵢⵉⴼⴼⵓⵙ ⵏ ⵜⴰⴳⵓⵜ ⵏ ⵜⵏⵣⵔⵓⴼⵜ ⵙ ⵜⵡⵉⵍⴰ ⵜⵓⵙⵍⵉⴳⵜ ⴷ ⵜⵏⵣⵔⵓⴼⵜ ⵜⴰⵅⴰⵜⴰⵔⵜ ⵙ ⵜⵡⵉⵍⴰ ⵜⴰⵎⴰⵜⴰⵢⵜ. ⵜⵙⴽⵔ ⵜⵙⴳⴰ ⵜⵉⵣⴷⴰⵢⵉⵏ ⵉⴷⵓⵙⵏ ⴷ ⵙⵙⵓⴷⴰⵏ ⵏ ⵜⴰⴳⵓⵜ, ⵜⵙⵙⴱⵖⵔ ⵙⴳ ⵡⴰⴳⵍⴰ ⴰⵏⴼⴳⴰⵏ ⴷ ⵓⵎⵖⵓⵣⴰⵏ ⴷ ⵓⵎⵓⴷⵔⴰⵏ ⴷ ⵓⵎⵙⵉⵛⴽⴰⵏ ⴰⴽⴷ ⵉⵏⴳⵔⴰⵡⵏ ⵉⵙⵔⵜⴰⵏⵏ ⵏⵏⴰ ⵉⵜⵜⵓⵙⴽⴰⵔⵏ ⴳ ⵜⵙⴳⴰ; ⵏⵏⴰ ⵜⵜ ⵢⵓⵊⵊⴰⵏ ⴰⴷ ⴳⵉⵏ ⵉⵙⵉⵣⵡⵔⵏ ⵏⵏⵙ ⴰⴼⵔⴰⴳ ⵏ ⵓⴱⵓⵖⵍⵓ ⴰⵙⵖⵏⵣⵉ ⴳ ⵜⴰⴳⵓⵜ ⵏ ⵜⵏⵣⵔⵓⴼⵜ ⴷ ⵓⴼⵔⴰⴳ ⵏ ⵉⵙⵓⴳⴰⵎ ⵏⵏⵙ ⴳ ⵙⵙⵓⴷⴰⵏ ⵏ ⵜⴰⴳⵓⵜ,ⵙⴳ ⵓⵎⴰⵜⵔ ⵏ ⵉⴱⵔⴷⴰⵏ ⵉⵎⵙⵖⵏⵣⵉⵜⵏ ⵏⵏⴰ ⴷ ⵉⴽⴽⴰⵏ ⵡⴰⴷ ⵏⵓⵏ ⴷ ⵏⵏⴰ ⵙⵉⵙ ⵉⵜⵜⴰⵡⵉⵏ. ⵜⴳⴰ ⵜⵣⴷⴰⵢⵜ ⴰⴷ ⵉⴷⵓⵙⵏ ⴳⵔ ⵜⵏⵓⴷⴰⴼ ⵏ ⵓⵙⵖⵏⵣⵉ ⴰⵏⵣⵔⵓⴼ ⴷ ⵜⵙⵓⵍⵜ ⵏ ⵉⵏⴳⵔⴰⵡⵏ ⵉⵙⵔⵜⴰⵏⵏ ⴳ ⵜⵙⴳⴰ ⵣⵣⵖ ⵓⴱⴷⴷⵉ ⵏ ⵓⵡⴰⵏⴽ ⴰⵎⵕⵉⴱⵟ ⴰⵔ ⵜⵉⵣⵉ ⵏ ⵓⵡⴰⵏⴽ ⴰⵄⴰⵍⴰⵡⵉ.

ⴰⵙⵉⵡⵍ ⵅⴼ ⵓⵙⵖⵏⵣⵉ ⴳ ⵜⵙⴳⴰ ⵏ ⵡⴰⴷ ⵏⵓⵏ ⵉⵙⵖⴰⵡⵙⴰ ⴰⴱⴷⴰⵔ ⵏ ⵜⵎⵍⴰⵍⵜ ⵏⵏⴰ ⵜⵜⴳⴳⵏⵜ ⵜⵖⵔⵎⵉⵏ ⵏ ⵜⵙⴳⴰ ⴳ ⵢⵉⴳⵔ ⴰⴷ, ⴰⴷ ⵏⴱⴷⵔ ⵜⵉⵖⵔⵎⵜ ⵏ ⵏⵓⵍ ⵍⴰⵎⵟⴰ ⵏⵏⴰ ⴷ ⵢⵓⴳⴳⴰⵏ ⴳ ⵜⴰⵙⵓⵜ ⵜⴰⵀⵉⵊⵔⵉⵜ ⵜⵉⵙ ⵙⵎⵎⵓⵙⵜ/11 ⵏ ⵜⵍⴰⵍⵉⵜ ⵏ ⵍⵎⴰⵙⵉⵃ ⴰⴽⴷ ⵉⵎⵕⴰⴱⵟⵏ, ⴹⴰⵕⵜ ⵏⵏⵙ ⵜⴰⴳⴳⴰⵡⵙⵜ ⵏⵏⴰ ⵉⵙⵙⵏⵜⵉⵏ ⴰⵔ ⴷ ⵜⴻⵜⵜⴰⴳⴳⴰ ⴳ ⵢⴰⵜ ⵜⵊⵓⵎⵎⴰ ⵙⴳ ⵜⴰⵙⵓⵜ ⵜⴰⵀⵉⵊⵔⵉⵜ ⵜⵉⵙ ⵙⴰ ⵉⵎⵙⴰⵙⴰⵏ ⴷ ⵜⵉⵙ 13 ⵏⵜⵍⴰⵍⵉⵜ ⵏ ⵍⵎⴰⵙⵉⵃ, ⴳ ⵓⵎⴳⴳⴰⵔⵓ ⵜⵉⵖⵔⵎⵜ ⵏ ⵓⴳⵯⵍⵎⵉⵎ ⵏⵏⴰ ⵢⵓⵎⵥⵏ ⴰⵙⴰⴼⵓ ⵜⵙⵙⵏⵜⵉ ⴰⵔ ⴷ ⵜⵎⵎⴰⵍ ⵜⵉⵏⴷⵉ ⵏⵏⵙ ⵜⴰⵙⵖⵏⵣⵉⵜ ⵙⴳ ⵜⴰⵙⵓⵜ ⵜⵉⵙ 18, ⵙⵍⴰⵡⴰⵏ ⴰⴽⴽⵯ ⴳ ⵜⴰⵙⵓⵜ ⵜⵉⵙ 19. ⵙⴳ ⵜⴼⵔⵉⵙⵉⵏ ⵜⵉⵅⴰⵜⴰⵔⵉⵏ ⵏ ⵜⵖⵔⵎⵉⵏ ⴰⴷ ⵎⴰⵙ ⵜⵜ ⵉⵏⵏ ⴽⴽⴰⵏⵜ ‘’ ⴳⴰⵏⵜ ⵉⵙⵔⴰⵙ ⵉⴱⵔⴰⴷⵏⵏ ⵙ ⵜⵏⵉⵍⴰ ⵏ ⵜⴼⵔⵉⵇⵜ ⵉⴼⴼⵓⵙ ⵏ ⵜⵏⵣⵔⵓⴼⵜ, ⴳⵉⵏⵜ ⴰⴱⵔⵉⴷ ⵏ ⵉⴽⴰⴱⴰⵕⵏ ⵉⵏⵣⵔⵓⴼⵏ ⵙⴳ ⴷ ⴰⵔ ⴹⴰⵕⵜ ⵏ ⵜⵏⵣⵔⵓⴼⵜ ⴰⵡⵉⵏ ⴷⵉⵙⵏ ⵜⵉⵏⵣⵣⵓⵜⵉⵏ ⴷ ⵜⵡⵏⴳⵉⵎⵉⵏ’’. ⵎⴽⵍⵍⵉ ⵜⵜⴳⴳⵏⵜ ⵜⵖⵔⵎⵉⵏ ⵏ ⵜⵙⴳⴰ ⵢⴰⵜ ⵜⵎⵍⴰⵍⵜ ⵜⴰⵎⵣⵡⴰⵔⵜ ⴼ ⴰⴷ ⵜⴰⵊⵊ ⴰⵙⵖⵏⵣⵉ ⵏ ⵜⵏⵣⵔⵓⴼⵜ ⴷ ⴰⵎⵓⵖⵍ ⵙⴳ ⵉⵎⵓⵖⵍⵏ ⵉⵅⴰⵜⴰⵔⵏ ⵏ ⵓⵙⵖⵏⵣⵉ ⵏ ⵢⵉⵍⵍ ⴰⵏⴰⵎⵎⴰⵙ ⴳ ⵓⵣⵎⵣ ⴰⵎⴰⵣⴰⵏ, ⴷ ⵉⴼⵜⴰⵙⵏ ⵏ ⵓⴳⴰⵔⵓ ⴰⵟⵍⴰⵏⵟⵉ ⴳ ⵓⵣⵎⵣ ⴰⵎⴰⵢⵏⵓ ⴷ ⵓⵜⵔⴰⵔ ⵜⴼⴽ ⵓⵜⵛⵉ ⵉ ⵜⵎⴰⵥⵓⵏⵉⵏ ⵜⵉⵅⴰⵜⴰⵔⵉⵏ ⵜⵉⵏⴰⵎⵓⵔⵉⵏ ⵣⵓⵏ ⴷ ⵎⵕⵕⴰⴽⵛ ⴷ ⴼⴰⵙ ⴷ ⵜⵉⵢⵢⴰⴹ. ⵜⵣⴷⵉ ⵜⵙⴳⴰ ⴰⴽⴷ ⵜⵖⵔⵎⵉⵏ ⵏ ⵜⴰⴳⵓⵜ ⵏ ⵜⵏⵣⵔⵓⴼⵜ ⴷ ⵙⵙⵓⴷⴰⵏ ⵏ ⵜⴰⴳⵓⵜ ⵙ ⵢⴰⵜ ⵜⴳⵔⵓⵎⵎⴰ ⵏ ⵉⴱⵔⴷⴰⵏ ⵉⵙⵖⵏⵣⵉⵜⵏ ⵏⵏⴰ ⵉⵏⵏⵓⴹⵚⵏ ⵙ ⵉⵙⵏⴼⴰⵍ ⵉⴷⵎⵙⴰⵏⵏ, ⴷ ⵜⵇⴱⵉⵍⵜ ⴷ ⵓⵙⴳⴷⴰⵏ ⴷ ⵓⴷⵍⵙⴰⵏ ⴷ ⵓⵙⵔⵜⴰⵏ.

ⵉⴳⴰ ⵓⴳⴰⴷⴰⵣ ⵏ ⵓⵎⵃⴰⵢⵔⵉⵛ ⴳ ⵜⵖⵔⵎⵜ ⵏ ⵓⴳⵯⵍⵎⵉⵎ, ⵙⴳ ⵓⴳⴳⴰⵔ ⵏ ⴽⵕⴰⴹⵜ ⵜⴰⵙⵓⵜⵉⵏ, ⵢⴰⵏ ⵡⴰⵎⵎⴰⵙ ⴰⴷⵎⵙⴰⵏ ⴰⵅⴰⵜⴰⵔ ⴷ ⵓⵙⴰⵢⵔⴰⵔ ⴰⵎⵙⵖⵏⵣⵉ ⵉⵜⵜⵓⵙⵙⴰⵏⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⵢⵓⵎⵥ ⵢⴰⵜ ⵜⵊⵓⵎⵎⴰ ⵢⵓⵜⵉⵏ ⴽⵕⴰⴹ ⵉⵀⵉⴽⵟⴰⵕⵏ.

ⴷⴰ ⵉⵥⵕⵕⴰ ⵓⴳⴰⴷⴰⵣ ⴰⴷ, ⵏⵏⴰ ⵉⴳⴰⵏ ⵢⴰⵏ ⵙⴳ ⵉⴳⴰⴷⴰⵣⵏ ⵉⵣⴰⵢⴽⵓⵜⵏ, ⵢⴰⵏ ⵜⵉⵍⴰⵍⵜ ⵜⴰⵙⵖⵏⵣⵉⵜ ⴷⴰ ⴷⵉⴳⵙ ⵜⵜⵓⴼⵙⴰⵔⵏⵜ ⵜⵎⵔⴰⵡⵉⵏ ⵏ ⵡⵓⵍⵍⵉ ⴷ ⵡⴰⵖⴰⴹⵏ ⵙ ⵡⴰⵏⴰⵡⵏ ⵏⵏⵙⵏ ⴰⴽⴽⵯ, ⴷ ⵢⴰⵏ ⵓⵙⴰⵢⵔⴰⵔ ⴰⵎⴰⵢⵏⵓ ⵏ ⵓⵣⵣⵏⵣ ⵏ ⵓⴳⵓⵎⵎⴰ ⴷ ⵉⵛⴰⴽⴰⵏ ⴷ ⵉⵎⵏⴷⵉ.

ⵜⴰⵢⵙⵉ ⵜⴰⴷⵍⵙⴰⵏⵜ ⵜⴰⵏⴱⵖⵓⵔⵜ ⴷ ⵜⵎⵢⴰⵏⴰⵡⵜ :

ⵜⵓⵎⵥ ⵜⵎⵏⴰⴹⵜ ⵢⴰⵏ ⵓⴷⵖⴰⵔ ⴰⵅⴰⵜⴰⵔ, ⵜⵥⵕⴰ ⵉⵙⵏⴼⴰⵍ ⵉⵎⴰⴷⴷⴰⵔⵏ ⵏ ⵜⴷⵍⵙⵉⵡⵉⵏ ⴷ ⵜⵖⵔⵎⵉⵡⵉⵏ ⵙⴳ ⵉⵣⵎⴰⵣ, ⴳⵉⵏ ⵉⴳⵓⴷⴰⵔ ⴷ ⵉⴷⵔⵉⵣⵏ ⵉⵎⵣⵔⴰⵢⵏ ⵉⵏⵉⴳⵉ ⵅⴼ ⵓⵎⵣⵔⵓⵢ ⴰⴷ ⴰⵎⵇⵇⵔⴰⵏ, ⵜⵎⵍ ⴰⵡⵢⴷⴰ ⴰⵏⴱⵖⵓⵔ ⴷ ⵓⵎⵢⴰⵏⴰⵡ ⵉⵜⵜⴰⵍⵙⵏ ⵜⵓⵍⵍⵉⵙⵜ ⵏ ⵜⵎⵏⴰⴹⵜ ⵙⴳ ⵉⵣⵎⴰⵣ. ⵎⴽⵍⵍⵉ ⵜⵥⵍⵉ ⵜⵎⵏⴰⴹⵜ ⵙ ⵡⴰⵢⴷⴰ ⴰⴷⵍⵙⴰⵏ ⴰⵏⴱⵖⵓⵔ ⴷ ⵓⵎⵢⴰⵏⴰⵡ ⵢⵓⵎⴰ ⵜⵓⴳⵜⵜ ⵏ ⵜⵇⴱⵉⵍⵉⵏ ⵜⵉⵎⴰⵣⵉⵖⵉⵏ ⴷ ⵜⵄⵕⴰⴱⵉⵏ ⴷ ⵜⵏⵣⵔⵓⴼⵉⵏ.ⵉⵎⵎⵔⴽⵙ ⵡⴰⵢⴷⴰ ⴰⵏⴱⵖⵓⵔ ⵏ ⵜⵎⵏⴰⴹⵜ ⵙ ⵜⵎⵢⵓⵔⵉⵏ ⴷ ⵜⵡⵔⴳⵍⴰⵜⵉⵏ, ⵜⵚⴽⵓ ⵢⴰⵜ ⵜⴼⵉⵍⵜ ⵜⴰⴷⵍⵙⴰⵏⵜ ⵜⴰⵎⵢⴰⵏⴰⵡⵜ, ⵉⵎⵎⴰⵍⵏ ⵜⵉⵎⵢⵓⵔⵉⵏ ⵜⵉⴷⵖⵔⴰⵏⵉⵏ, ⴷ ⵜⵥⵓⵕⵉ ⵏ ⵜⵏⵉⴹⵉ ⴷ ⵜⴰⵢⵙⵉ ⴷ ⵜⵎⴷⵢⴰⵣⵜ ⵜⴰⵃⵙⵙⴰⵏⵉⵜ ⴷ ⵜⵥⵓⵕⵉⵡⵉⵏ ⵏ ⵓⵏⵡⴰⵍ ⴷ ⵜⵎⵢⵓⵔⵉⵏ ⵏ ⵜⵎⵍⵙⵉⵜ. ⴳⵉⵏ ⵉⴼⵔⴷⵉⵙⵏ ⴰⴷ ⵢⴰⵏ ⵓⴳⵣⵣⵓⵎ ⵓⵔ ⵢⴰⵟⵟⵓⵏ ⵙⴳ ⵜⵎⴰⴳⵉⵜ ⵉⴳⴰⵏ ⵡⴰⵥ ⵏ ⵜⵎⵏⴰⴹⵜ, ⴰⵢⵍⵍⵉ ⵜⵜ ⵉⵜⵜⴰⵊⵊⴰⵏ, ⴰⴷ ⵜⴳ ⵜⴰⵏⵉⵍⴰ ⵜⵓⵙⵍⵉⴷⵜ ⵢⵓⴽⵍⴰⵍⵏ ⵜⴰⵡⴰⴼⵉⵜ ⴷ ⵓⵔⵣⴰⴼ.

ⵜⵍⵍⴰ ⵜⵙⴳⴰ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⴳ ⵢⵉⵥⵥⵍⵎⴹ ⵏ ⵜⴰⴳⵓⵜⵏ ⵜⵎⵏⴰⴹⵜ, ⵜⵓⵎⵥ ⵜⵊⵓⵎⵎⴰ ⵏⵏⵙ ⵎⴰⴷ ⵉⴳⴰⵏ 10.783 ⵏ ⵉⴷ ⴽⵉⵍⵓⵎⵉⵟⵕ ⴰⵎⴽⴽⵓⵥ. ⵜⴱⴹⴰ ⵜⵙⴳⴰ ⵅⴼ 20 ⵏ ⵜⴳⵔⴰⵡⵜ, ⴷⵉⴳⵙ ⵙⵏⴰⵜ ⴳⴰⵏⵜ ⵜⵉⵖⵔⵎⴰⵏⵉⵏ. ⵍⴽⵎⵏ ⵉⵎⵣⴷⴰⵖⵏ ⵏⵏⵙ ⵎⴰⴷ ⵉⴳⴰⵏ 187.808, ⴷ ⵢⴰⵜ ⵜⵏⵥⵉ ⵏ ⵉⵎⵣⴷⴰⵖⵏ ⵏⵏⴰ ⵉⵍⴽⵎⵏ 16,5 ⵏ ⵓⵎⵣⴷⴰⵖ ⵉ ⴽⵓ ⴰⴽⵉⵍⵓⵎⵉⵟⵕ ⴰⵎⴽⴽⵓⵥ, ⴰⵎⴰⵜⴰ ⵏⵏⵙⵏ ⴷ ⵉⵎⵣⴷⴰⵖⵏ ⵉⵖⵔⵎⴰⵏⵏ, ⵜⴳ ⵜⵖⵔⵎⵜ ⵏ ⵓⴳⵯⵍⵎⵉⵎ ⵜⵉⵖⵔⵎⵜ ⵜⴰⵎⵇⵇⵔⴰⵏⵜ ⴳ ⵜⵙⴳⴰ.

ⵜⵉⵍⴰⵍ ⵜⵉⴷⵎⵙⴰⵏⵉⵏ ⵜⵉⴷⵙⵍⴰⵏⵉⵏ ⴳ ⵜⵙⴳⴰ ⴰⴷ ⴰⵔ ⵜⵜⵙⵎⴷⵢⴰⵏⵜ ⴳ ⵜⴼⵍⵍⴰⵃⵜ ⴷ ⵜⵎⴰⵍⵍⴰⵢⵜ. ⵎⴰⴷ ⵉⵥⵍⵉⵏ ⵙ ⵜⴼⵍⵍⴰⵃⵜ, ⵜⵥⵍⵉ ⵜⵙⴳⴰ ⵙ ⵓⴼⴰⵔⵙ ⵏ ⵜⵢⴰⴼⵓⵜⵉⵏ ⵜⵉⵣⴳⵣⴰⵡⵉⵏ (ⵉⵎⵏⴷⵉ, ⵉⴳⵔⴰⵙⵏ, ⵜⴰⴽⵔⵣⴰ ⵏ ⵉⵛⴰⴽⴰⵏ) ⴷ ⵓⴼⴰⵔⵙ ⵏ ⵡⴰⴷⴷⴰⴳⵏ (ⴰⵣⴰⵜⵉⵎ, ⵉⴽⵉⴽⴷ, ⴰⴳⵊⵊⵓⴼ) ⵎⴽⵍⵍⵉ ⵜⵥⵕⵕⴰ ⵜⵎⴰⵍⵍⴰⵢⵜ ⵢⴰⵜ ⵜⵙⵔⵉ ⴰⵡⴷ ⵏⵜⵜⴰⵜ, ⵜⴻⵜⵜⵓⵙⵙⴰⵏ ⵜⵙⴳⴰ ⵙ ⵜⵓⴳⵜⵜ ⵏ ⵉⵙⵏⵜⴰⵢ ⵏ ⵓⵙⵙⴰⵔⵓ ⴳ ⵢⵉⴳⵔ ⴰⴷ. ⴳⴰⵏⵜ ⵉⵥⵏⴰⴳⵏ ⵏ ⵜⵖⵊⵊⵉⵊⵜ, ⵜⵉⵎⵓⵍⴰⵢ, ⵜⵉⵖⵎⵔⵜ, ⴷ ⵉⵔⴰⴷⴰⴱⵏ ⵏ ⵓⴱⴰⵢⵏⵓ, ⵍⴰⵍⵍⴰ ⵎⵍⵓⴽⴰ, ⴷ ⵢⵉⵍⵍ ⴰⵎⵍⵍⴰⵍ, ⴷ ⵡⴰⵙⵉⴼ ⴷ ⵓⴳⴰⴷⵉⵔ ⵏ ⵓⵎⵟⴹⵉ, ⴷ ⵜⵓⴳⵜⵜ ⵏ ⵉⴱⴰⵢⵏⵓⵜⵏ ⵉⵎⴰⵍⵍⴰⵢⵏ ⵏⵏⴰ ⵉⵙⵎⵎⵓⵏⵏ ⵜⴰⴷⵓⵙⵉ ⵏ ⵜⵙⴳⴰ. ⴷ ⵜⵉⵍⴰⵍ ⵢⴰⴹⵏ ⵉⵣⴷⵉⵏ ⵙ ⵢⵉⴳⵔ ⵏ ⵉⵎⵖⵓⵣⵏ, ⵣⵓⵏ ⴷ ⵓⵣⵣⴰⵍ, ⴷ ⵡⴰⵏⴰⵙ ⴷ ⵡⴰⵍⴷⵓⵏ, ⴷ ⵜⵏⵉⴹⵉ ⴰⵎ ⵜⵎⴳⵓⵔⵉ ⵏ ⵜⵣⵓⵣⴰⴼ ⴷ ⵜⴳⵏⵉ ⴷ ⵓⵥⵟⵟⴰ.

ⵜⴱⴷⴷ ⵟⴰⵏⵟⴰⵏ ⴳ ⵓⵙⴳⴳⵯⴰⵙ ⵏ 1940 ⴳ ⵜⵉⵣⵉ ⵏ ⵓⵙⴷⵓⵔⵔⵉ ⴰⵚⴱⵍⵢⵓⵏ. ⴹⴰⵕⵜ ⵏ ⵜⵎⵀⵍⵜ ⵜⴰⵙⴷⵔⴰⵙⵜ ⵉⵛⵛⴰⵔⵏ “Ecouvillon” ⴳ ⴱⵕⴰⵢⵕ 1958, ⵙⵙⵏⵜⵉⵏ ⵉⵎⵣⴷⴰⵖⵏ ⵣⵓⴳⵏⵉⵏ ⴰⵔ ⵜⵜⵣⴷⴰⵖⵏ ⴳ ⵟⴰⵏⵟⴰⵏ. ⴳ ⵉⴱⵔⵉⵔ 1958, ⵜⴼⴽⴰ ⵚⵚⴱⵍⵢⵓⵏ ⵜⴰⵙⵉⵎⴰⵏⵜ ⵉ ⵜⵙⴳⴰ ⵏ ⵟⴰⵕⴼⴰⵢⴰ, ⵖ ⵜⵜ ⵉⵏⵏ ⵜⴽⴽⴰ ⵟⴰⵏⵟⴰⵏ ⵜⴳⴰ ⴳⵉⵙ ⵢⴰⵏ ⵓⴳⵣⵣⵓⵎ ⵉ ⵓⵙⴷⵓⵙ ⵏ ⵜⵙⴳⴰ, ⵜⵖⵜⵙ ⵜⵏⴱⴰⴹⵜ ⵏ ⵍⵎⵖⵔⵉⴱ ⴰⴷ ⵜⵙⴱⴷⴷ “ⵜⴰⵙⴳⴰ ⵜⵉⵍⴻⵍⵍⵉⵜ” ⴳ ⵟⴰⵏⵟⴰⵏ.ⴹⴰⵕⵜ ⵍⵍⵉⵖ ⴷ ⵉⵙⵡⵓⵔⵔⵉ ⵍⵎⵖⵔⵉⴱ ⵜⵉⵙⴳⴳⵉⵡⵉⵏ ⵜⵉⵏⵣⵔⵓⴼⵉⵏ ⴳ ⵓⵙⴳⴳⵯⴰⵙ ⵏ 1975, ⵜⴷⵡⵍ ⵟⴰⵏⵟⴰⵏ ⴷ ⴰⵎⵎⴰⵙ ⴰⵎⴰⴷⴷⴰⵔ ⵏ ⵜⵡⴰⴷⵉⵡⵉⵏ ⵜⵉⵣⴳⵣⴰⵡⵉⵏ, ⵜⵓⴳⴳⴰ ⴷ ⵣⵓⵏ ⴷ ⵜⴰⵙⵉⵍⴰ ⵜⴰⵍⵓⵊⵉⵙⵜⵉⵜ ⴳ ⵜⵎⵀⵍⵜ ⴰⴷ, ⴳ ⵓⵙⴳⴳⵯⴰⵙ 1978 ⵉⵕⵥⵎ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ ⵉ ⵓⴼⵜⴰⵙ ⵏ ⵍⵡⴰⵟⵢⴰ, ⴰⵢⵍⵍⵉ ⵉⵙⵙⴷⵓⵙⵏ ⵜⴰⵎⵍⴰⵍⵜ ⵜⴰⴷⵓⵙⴰⵏⵜ ⵏ ⵟⴰⵏⵟⴰⵏ ⴳ ⵓⴼⵜⴰⵙ ⴰⵟⵍⴰⵏⵟⵉ. ⵙⴳ ⵜⴳⵉⵔⴰ ⵏ ⵜⵎⵔⴰⵡⵜ ⵜⵉⵙ ⵙⵎⵎⵓⵙⵜ ⵏ ⵜⴰⵙⵓⵜ ⴰⴷ ⵉⵣⵔⵉⵏ, ⵜⴷⵡⵍ ⵟⴰⵏⵟⴰⵏ ⵢⴰⵏ ⴳ ⵉⴼⵜⴰⵙⵏ ⵅⴰⵜⵔⵏⵉⵏ ⵏ ⵙⵙⵔⴷⵉⵏ ⴳ ⵍⵎⵖⵔⵉⴱ.

ⴷ ⵓⵍⴰ, ⴰⵔ ⴷ ⵉⵜⵜⴰⵡⵉ ⵓⵏⵎⵓⴳⴳⴰⵔ ⵏ ⵟⴰⵏⵟⴰⵏ ⴽⵓ ⴰⵙⴳⴳⵯⴰⵙ ⵜⵉⵇⴱⵉⵍⵉⵏ ⵜⵉⵏⴰⴳⴰⵎⵉⵏ ⴰⴷ ⵙⴼⵓⴳⵍⵓⵏⵜ ⵙ ⵜⴰⵢⵙⵉ ⵜⴰⴷⵍⵙⴰⵏⵜ. ⵎⴽⵍⵍⵉ ⵜⵟⵟⴰⴼ ⵜⵙⴳⴰ ⵉⴷⵖⴰⵔⵏ ⵏ ⵉⴷⵔⵉⵣⵏ ⵣⵓⵏ ⴷ ⵉⴼⵔⴰⵙⵏ ⵏ ⵓⵥⵕⵓ ⴷ ⵜⵎⵖⵓⵣⵉⵏ, ⵜⴳ ⵜⴰⵎⵓⵔⵜ ⵏ ⵜⵓⴳⵜⵜ ⵏ ⵜⵎⵢⵓⵔⵉⵏ ⴷ ⵜⴰⵣⵣⵓⵍⵉⵏ ⵜⵉⵣⴰⵢⴽⵓⵜⵉⵏ ⵏ ⵓⴼⵓⵙ.

ⵜⵍⵍⴰ ⵙⵉⴷⵉ ⵉⴼⵏⵉ ⴳ ⵢⵉⴼⴼⵓⵙ ⵏ ⵜⴰⴳⵓⵜ ⵏ ⵍⵎⵖⵔⵉⴱ, ⵜⴰⴳⴳⵓⴳ ⵅⴼ ⵓⴳⵯⵍⵎⵉⵎ ⵙ 50 ⵏ ⵉⴷ ⴽⵉⵍⵓⵎⵉⵟⵕ, ⴰⵔ ⵜⵙⵙⴰⴳⴳⵯ ⵅⴼ ⵢⵉⵍⵍ ⴰⵟⵍⴰⵏⵟⵉ. ⵜⵓⵙⵉ ⵜⵖⵔⵎⵜ ⵉⵙⵎ ⵏⵏⵙ ⵙⴳ ⵜⵙⴰⵚⴽⵓⵜ ⵏ ⵙⵉⴷⵉ ⵄⵍⵉ ⵉⴼⵏⵉ ⵉⵍⵍⴰⵏ ⴳ ⵜⵖⵔⵎⵜ, ⵜⴽⴽⴰ ⵜⵜ ⵉⵏⵏ ⵚⵚⴱⵍⵢⵓⵏ ⵜⵙⵙⴰⵖ ⴰⵙ ⵙⴰⵏⵜⴰ ⴽⵔⵓⵣ ⴷⵉ ⵍⴰⵎⴰⵕ ⴱⵉⴽⵉⵏⵢⴰ. ⵜⴻⵜⵜⵡⴰⵙⵙⴰⵏ ⴳ ⵓⵎⵣⵔⵓⵢ ⵙ ⵓⵙⴷⵓⵔⵔⵉ ⴰⵚⴱⵍⵢⵓⵏ ⵏⵏⴰ ⵉⵙⵙⵏⵜⵉⵏ ⴰⵙⴳⴳⵯⴰⵙ ⵏ 1934, ⵍⵍⵉⵖ ⵉⵙⵙⵏⵜⵉ ⵚⵚⴱⵍⵢⵓⵏ ⴰⴷ ⵜⵜ ⵉⵙⵏⴼⵍ ⴰⴷ ⵜⴳ ⵜⵉⵖⵔⵎⵜ ⵉⵔⵡⴰⵙⵏ ⵜⵉⵖⵔⵎⵉⵏ ⵏⵏⵙⵏ. ⵎⵙⵇⴰⵔ ⵓⵢⴰ, ⵓⵔⴰⵔⵏⵜ ⵜⵇⴱⵉⵍⵉⵏ ⵏ ⴰⵢⵜ ⴱⴰⵄⵎⵕⴰⵏ ⵢⴰⵜ ⵜⵎⵍⴰⵍⵜ ⴰⴷⵙⵍⴰⵏ ⴳ ⵜⵏⵣⴱⴰⵢⵜ ⵏ ⵓⵙⴷⵓⵔⵔⵉ, ⵜⴻⵜⵜⵡⴰⵙⵙⵏ ⵙ ⵜⵏⴽⵔⴰ ⵏⵏⵙ ⵏ ⵓⵙⴳⴳⵯⴰⵙ 1957 ⵎⴳⴰⵍ ⵜⵉⵔⵎⵉⵜⵉⵏ ⵏ ⵜⵙⵖⵍⴰⵏⵜ ⵜⴰⵚⴱⵍⵢⵓⵏⵜ. ⵜⴰⵏⴽⵔⴰ ⴰⴷ ⵜⵙⵎⴷ ⵙ ⵓⵙⵙⴰⵖⵓⵍ ⵏ ⵙⵉⴷⵉ ⵉⴼⵏⵉ ⴳ ⵓⵙⴳⴳⵯⴰⵙ ⵏ 1969 ⴹⴰⵕⵜ ⵏ ⵢⴰⵜ ⵜⵥⵉⴹⵕⴰ ⵖⵣⵣⵉⴼⵏ, ⴰⵢⵍⵍⵉ ⵉⵙⵙⴷⵓⵙⵏ ⴰⴷⵖⴰⵔ ⵏⵏⵙ ⴳ ⵜⵎⴽⵜⵉⵜ ⵜⴰⵏⴰⵎⵓⵔⵜ ⴰⵎ ⵓⴳⵣⵣⵓⵎ ⵙⴳ ⵓⵎⵣⵉⵣⵣⵍ ⴰⴱⴰⵔⴰⵡ ⵏ ⵓⵙⴷⵔⴼⵉ ⵏ ⵜⵙⴳⴳⵉⵡⵉⵏ ⵜⵉⵏⵣⵔⵓⴼⵉⵏ ⵜⵉⵎⵖⵔⴰⴱⵉⵢⵉⵏ

ⴰⵙⴰ ⵥⵥⴰⴳ ⴷ ⵢⴰⵏ ⵙⴳ ⵉⵖⵔⵎⴰⵏ ⵉⵎⵣⵔⴰⵢⵏ ⴳ ⵜⵙⴳⴰ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⵜⵍⵍⴰ ⴳⵔ ⵉⴷⵔⴰⵔⵏ ⵏ ⴱⴰⵏⵉ ⴷ ⵡⴰⵔⴳⵣⵉⵣ, ⵜⵥⵍⵉ ⵙ ⵉⵔⴽⴰⵣⵏ ⵏⵏⵙⵏ ⵉⴳⴰⵎⴰⵏⵏ ⴳⴰⵏⵉⵏ ⵡⴰⵥ. ⵢⴰⵖⵓⵍ ⵢⵉⵙⵎ ⵏⵏⵙ ⵙ ⵜⴳⵓⵔⵉ ⵏ “ⵜⵉⵙⵉⵜ” ⵏⵏⴰ ⵖⵓⵔ ⴰⵏⴰⵎⴽ ⵏ ⵡⴰⴽⴰⵍ ⵉⴷⵔⴰⵏ, ⵙ ⵓⵢⴰ ⴰⵔ ⵙⵉⵙ ⵜⵎⵎⴰⵍ ⵜⴰⴳⴰⵎⴰ ⵏⵏⵙ ⵜⴰⵊⵢⵓⴳⵕⴰⴼⵉⵜ ⵉⵥⵉⵍⵏ. ⵉⵜⵜⵡⴰⵙⵙⴰⵏ ⵓⵙⴰ ⵙ ⵓⴳⴰⴷⵉⵔ ⵏⵏⵙ ⴰⵇⴱⵓⵔ, ⵏⵏⴰ ⵉⴳⴰⵏ ⵢⴰⵏ ⵙⴳ ⵉⴷⵔⵉⵣⵏ ⵅⴰⵜⵔⵏⵉⵏ ⴳ ⵜⵙⴳⴰ, ⴷⴰ ⵉⵜⵜⴰⵖⵓⵍ ⵓⵎⵣⵔⵓⵢ ⵏⵏⵙ ⵙ ⵎⴰⴷ ⵢⴰⵥⵏ ⵎⵔⴰⵡⵜ ⵜⴰⵙⵓⵜⵉⵏ, ⵉⴳ ⴰⵎⵎⴰⵙ ⴰⵎⵣⵔⴰⵢ ⵢⵓⵔⴰⵔ ⵜⴰⵎⵍⴰⵍⵜ ⵜⴰⵅⴰⵜⴰⵔⵜ ⴳ ⵜⵓⴷⵔⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵉ ⵉⵎⵣⴷⴰⵖⵏ ⵏ ⵜⵙⴳⴰ.

ⵉⴳⴰ ⵓⴳⴰⴷⵉⵔ ⵏ ⵓⵙⴰ ⵢⴰⵜ ⵜⵎⴰⵜⴰⵔⵜ ⵏ ⵓⵥⴽⴽⴰ ⴰⵇⴱⵓⵔ ⴳ ⵜⵙⴳⴰ, ⵉⵜⵜⵓⵚⴽⴰ ⵙ ⵓⴷⵎⵔⵙ ⵏ ⵜⵎⵜⵜⴰⵡⵉⵏ ⵜⵉⴳⴰⵎⴰⵏⵉⵏ ⵣⵓⵏ ⴷ ⵜⴰⵍⵍⴰⵖⵜ ⴷ ⵡⴰⵍⵉⵎ ⴷ ⵓⴳⵊⵊⵓⴼ, ⴰⵢⵍⵍⵉ ⵜ ⵢⵓⵊⵊⴰⵏ ⴰⴷ ⵉⵥⵥⵉⴹⵕ ⵅⴼ ⵓⵏⵣⵡⵉ ⵉⵛⵇⵇⴰⵏ ⵉⴼⴽ ⴰⴼⵔⴰⴳ ⵉ ⵉⵎⵣⴷⴰⵖⵏ. ⵉⴽⴽⴰ ⵜⵜ ⵉⵏⵏ ⵓⴳⴰⴷⵉⵔ ⴷ ⵢⴰⵏ ⵡⴰⵎⵎⴰⵙ ⵏ ⵜⵇⴱⵉⵍⵉⵏ ⵜⵉⴷⵖⵔⴰⵏⵉⵏ ⵙⵍⴰⵡⴰⵏ ⴰⴽⴽⵯ ⴰⵢⵜ ⵎⵓⵙⴰ, ⵏⵏⴰ ⵜⵜ ⵉⵏⵏ ⵉⴽⴽⴰⵏ ⴰⵔ ⴳⵉⵙ ⵙⴽⴰⵔⵏ ⵉⴳⵔⴰⵡⵏ ⵏⵏⵙⵏ, ⵜⴽⴽ ⵜⵜ ⵉⵏⵏ ⴰⵔ ⵜⵙⴷⵎⵢⴰ ⴰⵎⵎⴰⵙ ⵏ ⵢⵉⵎⵉⵥ ⵏ ⵜⵖⵜⴰⵙⵉⵏ ⵉⵣⴷⵉⵏ ⵙ ⵜⵎⵙⴰⵔⵉⵏ ⵜⵉⴷⵎⵙⴰⵏⵉⵏ ⴷ ⵜⵙⵔⵜⴰⵢ ⴷ ⵜⵏⴰⵎⵓⵏⵉⵏ. ⵜⴼⵔⴳ ⵜⵎⴽⵜⵉⵜ ⵜⴰⵖⵔⴼⴰⵏⵜ ⵙ ⵢⵉⵙⵎⴰⵡⵏ ⵏ ⵜⵓⴳⵜⵜ ⵏ ⵉⵏⵖⵎⵓⵔⵏ ⵏⵏⴰ ⵜⵜ ⵉⵏⵏ ⴷⴰ ⵙⵡⵓⴷⴷⵓⵏ ⵉⵙⴽⴽⵉⵏⵏ ⵏ ⵓⴳⴰⴷⵉⵔ.

ⵜⴰⵎⴰ ⵏ ⵡⴰⵢⴷⴰ ⴰⵎⵥⴽⴰⵡ, ⵜⴳⴰ ⵣⵣⴰⵡⵉⵜ ⵏ ⵓⵙⴰ ⵜⴰⴷ ⴰⴽⴽⵯ ⵉⴳⴰⵏ ⵜⴰⵣⴰⵢⴽⵓⵜ ⴳ ⵜⵏⵣⵔⵓⴼⵜ ⵢⴰⵖⵓⵍ ⵓⵙⵔⵓⵙ ⵏⵏⵙ ⵙ ⵜⴰⵙⵓⵜ ⵜⵉⵙ 7 ⵜⴰⵀⵉⵊⵔⵉⵜ/13 ⵏ ⵜⵍⵣⵍⵉⵜ ⵏ ⵍⵎⴰⵙⵉⵃ ⴳ ⵉⴳⴳⵉ ⵏ ⵓⴼⵓⵙ ⵏ ⵓⵏⵣⴱⴰⵢ ⵉⵄⵣⵣⴰ ⵓⵢⵀⴷⴰ, ⵜⵥⵕⴰ ⵣⵣⴰⵡⵉⵜ ⴰⴷ ⵢⴰⵜ ⵜⵏⴽⵔⴰ ⵎⵇⵇⵓⵔⵏ ⴷ ⵓⴽⵛⵛⵓⵎ ⵏ ⵡⴰⵄⵕⴰⴱⵏ ⵙ ⵍⵎⵖⵔⵉⴱ, ⵙⴳ ⵜⴰⵙⵓⵜ ⵜⵉⵙⵙ 14 ⵜⴰⵀⵉⵊⵔⵉⵜ, ⵜⴳⴰ ⵣⵣⴰⵡⵉⵜ ⵏ ⵓⵙⴰ ⵢⴰⵏ ⵡⴰⵎⵎⴰⵙ ⴰⴷⵍⵙⴰⵏ ⴰⵖⵔⵎⴰⵏ ⵓⵙⵍⵉⵎ ⵉⵅⴰⵜⵔⵏ ⵙ ⵜⵡⵉⵙⵉ ⵏ ⵜⵉⵍⵉⵜ ⵏ ⵉⵙⵍⵎⴰⴷⵏ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵍⵎⴷ ⵏ ⵉⵎⵏⵣⴰⵢⵏ ⵓⵙⵍⵉⵎⵏ ⴷ ⵉⵙⴳⴷⴰⵏⵏ ⵉ ⵡⵉⴷ ⵙⵉⵙ ⵉⵜⵜⴰⵛⴽⴰⵏ ⴳ ⵉⵎⵣⵔⴰⵡⵏ, ⵜⵉⵣⵡⵉⵔⵉ ⵏ ⵜⴰⵙⵓⵜ ⵜⵉⵙ 17 ⵏ ⵜⵍⴰⵍⵉⵜ ⵏ ⵍⵎⴰⵙⵉⵃ, ⵉⴷⵡⵍ ⵓⵙⴰ ⵜⴰⵏⵉⵍⴰ ⵏ ⵉⴳⵔⴰⵡⵏ ⵉⵏⴼⴳⴰⵏⵏ ⵙⵍⴰⵡⴰⵏ ⴰⴽⴽⵯ ⵉⵕⵃⵃⴰⵍⵏ ⵡⴰⵍⴰⵏⵉⵏ ⵉ ⵜⵇⴱⵉⵍⵜ ⵏ ⴰⵢⵜ ⵓⵙⴰ, ⵏⵏⴰ ⵉⵎⵎⵔⴽⵙⵏ ⴷ ⵉⵎⵣⴷⴰⵖⵏ ⵉⵎⴰⵣⵉⵖⵏ ⵉⴷⵖⵔⴰⵏⵏ. ⵉⴳⴰ ⵓⴳⴰⴷⵉⵔ ⵏ ⵓⵙⴰ ⴰⵎⵎⴰⵙ ⴰⵏⵣⵔⵓⴼ ⵉⵥⵥⵏⵥⵕⵏ ⴳ ⵓⵙⵡⵉⵔ ⴰⵎⴰⴹⵍⴰⵏ ⴳ ⵜⵉⵣⵉ ⴰⵏⵏ ⵍⵍⵉⵖ ⵜⴱⵓⵖⵍⴰ ⵜⵙⵖⵏⵣⵉⵜ ⵙ ⵜⵡⵉⵙⵉ ⵏ ⵉⴽⴰⴱⴰⵕⵏ ⵉⵣⵣⵔⴰⵢⵏ ⴳ ⵜⵏⵣⵔⵓⴼⵜ ⴰⵡⵉⵏ ⴷ ⵉⵢⴰⴼⵓⵜⵏ ⵙⴳ ⵉⵎⵓⴷⴰⵔ ⴷ ⵉⵙⵓⴼⴰⵔ ⴷ ⵓⵥⵟⵟⴰ. ⴰⵔ ⵢⴰⵇⵇⵔⴰ ⴳ ⵣⵣⴰⵡⵉⵜ ⵜⵓⴳⵜⵜ ⵏ ⵉⵎⵣⵔⴰⵡⵏ ⵜⵜⵍⵎⴰⴷⵏⵉⵏ ⵜⵉⵎⵙⵉⵔⵉⵏ ⴳ ⵓⵃⵙⵙⵓ ⵏ ⵍⵇⵕⴰⵏ ⴷ ⵜⵎⵙⵉⵔⵉⵏ ⵏ ⵍⵃⴰⴷⵉⵜ ⴷ ⵉⵍⵓⴳⵏⵏ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ.

ⵓⴳⵯⵍⵎⵉⵎ

ⵜⵍⵍⴰ ⵜⵙⴳⴰ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⴳ ⵢⵉⵥⵥⵍⵎⴹ ⵏ ⵜⴰⴳⵓⵜⵏ ⵜⵎⵏⴰⴹⵜ, ⵜⵓⵎⵥ ⵜⵊⵓⵎⵎⴰ ⵏⵏⵙ ⵎⴰⴷ ⵉⴳⴰⵏ 10.783 ⵏ ⵉⴷ ⴽⵉⵍⵓⵎⵉⵟⵕ ⴰⵎⴽⴽⵓⵥ. ⵜⴱⴹⴰ ⵜⵙⴳⴰ ⵅⴼ 20 ⵏ ⵜⴳⵔⴰⵡⵜ, ⴷⵉⴳⵙ ⵙⵏⴰⵜ ⴳⴰⵏⵜ ⵜⵉⵖⵔⵎⴰⵏⵉⵏ. ⵍⴽⵎⵏ ⵉⵎⵣⴷⴰⵖⵏ ⵏⵏⵙ ⵎⴰⴷ ⵉⴳⴰⵏ 187.808, ⴷ ⵢⴰⵜ ⵜⵏⵥⵉ ⵏ ⵉⵎⵣⴷⴰⵖⵏ ⵏⵏⴰ ⵉⵍⴽⵎⵏ 16,5 ⵏ ⵓⵎⵣⴷⴰⵖ ⵉ ⴽⵓ ⴰⴽⵉⵍⵓⵎⵉⵟⵕ ⴰⵎⴽⴽⵓⵥ, ⴰⵎⴰⵜⴰ ⵏⵏⵙⵏ ⴷ ⵉⵎⵣⴷⴰⵖⵏ ⵉⵖⵔⵎⴰⵏⵏ, ⵜⴳ ⵜⵖⵔⵎⵜ ⵏ ⵓⴳⵯⵍⵎⵉⵎ ⵜⵉⵖⵔⵎⵜ ⵜⴰⵎⵇⵇⵔⴰⵏⵜ ⴳ ⵜⵙⴳⴰ.

ⵜⵉⵍⴰⵍ ⵜⵉⴷⵎⵙⴰⵏⵉⵏ ⵜⵉⴷⵙⵍⴰⵏⵉⵏ ⴳ ⵜⵙⴳⴰ ⴰⴷ ⴰⵔ ⵜⵜⵙⵎⴷⵢⴰⵏⵜ ⴳ ⵜⴼⵍⵍⴰⵃⵜ ⴷ ⵜⵎⴰⵍⵍⴰⵢⵜ. ⵎⴰⴷ ⵉⵥⵍⵉⵏ ⵙ ⵜⴼⵍⵍⴰⵃⵜ, ⵜⵥⵍⵉ ⵜⵙⴳⴰ ⵙ ⵓⴼⴰⵔⵙ ⵏ ⵜⵢⴰⴼⵓⵜⵉⵏ ⵜⵉⵣⴳⵣⴰⵡⵉⵏ (ⵉⵎⵏⴷⵉ, ⵉⴳⵔⴰⵙⵏ, ⵜⴰⴽⵔⵣⴰ ⵏ ⵉⵛⴰⴽⴰⵏ) ⴷ ⵓⴼⴰⵔⵙ ⵏ ⵡⴰⴷⴷⴰⴳⵏ (ⴰⵣⴰⵜⵉⵎ, ⵉⴽⵉⴽⴷ, ⴰⴳⵊⵊⵓⴼ) ⵎⴽⵍⵍⵉ ⵜⵥⵕⵕⴰ ⵜⵎⴰⵍⵍⴰⵢⵜ ⵢⴰⵜ ⵜⵙⵔⵉ ⴰⵡⴷ ⵏⵜⵜⴰⵜ, ⵜⴻⵜⵜⵓⵙⵙⴰⵏ ⵜⵙⴳⴰ ⵙ ⵜⵓⴳⵜⵜ ⵏ ⵉⵙⵏⵜⴰⵢ ⵏ ⵓⵙⵙⴰⵔⵓ ⴳ ⵢⵉⴳⵔ ⴰⴷ. ⴳⴰⵏⵜ ⵉⵥⵏⴰⴳⵏ ⵏ ⵜⵖⵊⵊⵉⵊⵜ, ⵜⵉⵎⵓⵍⴰⵢ, ⵜⵉⵖⵎⵔⵜ, ⴷ ⵉⵔⴰⴷⴰⴱⵏ ⵏ ⵓⴱⴰⵢⵏⵓ, ⵍⴰⵍⵍⴰ ⵎⵍⵓⴽⴰ, ⴷ ⵢⵉⵍⵍ ⴰⵎⵍⵍⴰⵍ, ⴷ ⵡⴰⵙⵉⴼ ⴷ ⵓⴳⴰⴷⵉⵔ ⵏ ⵓⵎⵟⴹⵉ, ⴷ ⵜⵓⴳⵜⵜ ⵏ ⵉⴱⴰⵢⵏⵓⵜⵏ ⵉⵎⴰⵍⵍⴰⵢⵏ ⵏⵏⴰ ⵉⵙⵎⵎⵓⵏⵏ ⵜⴰⴷⵓⵙⵉ ⵏ ⵜⵙⴳⴰ. ⴷ ⵜⵉⵍⴰⵍ ⵢⴰⴹⵏ ⵉⵣⴷⵉⵏ ⵙ ⵢⵉⴳⵔ ⵏ ⵉⵎⵖⵓⵣⵏ, ⵣⵓⵏ ⴷ ⵓⵣⵣⴰⵍ, ⴷ ⵡⴰⵏⴰⵙ ⴷ ⵡⴰⵍⴷⵓⵏ, ⴷ ⵜⵏⵉⴹⵉ ⴰⵎ ⵜⵎⴳⵓⵔⵉ ⵏ ⵜⵣⵓⵣⴰⴼ ⴷ ⵜⴳⵏⵉ ⴷ ⵓⵥⵟⵟⴰ.

ⵟⴰⵏⵟⴰⵏ

ⵜⴱⴷⴷ ⵟⴰⵏⵟⴰⵏ ⴳ ⵓⵙⴳⴳⵯⴰⵙ ⵏ 1940 ⴳ ⵜⵉⵣⵉ ⵏ ⵓⵙⴷⵓⵔⵔⵉ ⴰⵚⴱⵍⵢⵓⵏ. ⴹⴰⵕⵜ ⵏ ⵜⵎⵀⵍⵜ ⵜⴰⵙⴷⵔⴰⵙⵜ ⵉⵛⵛⴰⵔⵏ “Ecouvillon” ⴳ ⴱⵕⴰⵢⵕ 1958, ⵙⵙⵏⵜⵉⵏ ⵉⵎⵣⴷⴰⵖⵏ ⵣⵓⴳⵏⵉⵏ ⴰⵔ ⵜⵜⵣⴷⴰⵖⵏ ⴳ ⵟⴰⵏⵟⴰⵏ. ⴳ ⵉⴱⵔⵉⵔ 1958, ⵜⴼⴽⴰ ⵚⵚⴱⵍⵢⵓⵏ ⵜⴰⵙⵉⵎⴰⵏⵜ ⵉ ⵜⵙⴳⴰ ⵏ ⵟⴰⵕⴼⴰⵢⴰ, ⵖ ⵜⵜ ⵉⵏⵏ ⵜⴽⴽⴰ ⵟⴰⵏⵟⴰⵏ ⵜⴳⴰ ⴳⵉⵙ ⵢⴰⵏ ⵓⴳⵣⵣⵓⵎ ⵉ ⵓⵙⴷⵓⵙ ⵏ ⵜⵙⴳⴰ, ⵜⵖⵜⵙ ⵜⵏⴱⴰⴹⵜ ⵏ ⵍⵎⵖⵔⵉⴱ ⴰⴷ ⵜⵙⴱⴷⴷ “ⵜⴰⵙⴳⴰ ⵜⵉⵍⴻⵍⵍⵉⵜ” ⴳ ⵟⴰⵏⵟⴰⵏ.ⴹⴰⵕⵜ ⵍⵍⵉⵖ ⴷ ⵉⵙⵡⵓⵔⵔⵉ ⵍⵎⵖⵔⵉⴱ ⵜⵉⵙⴳⴳⵉⵡⵉⵏ ⵜⵉⵏⵣⵔⵓⴼⵉⵏ ⴳ ⵓⵙⴳⴳⵯⴰⵙ ⵏ 1975, ⵜⴷⵡⵍ ⵟⴰⵏⵟⴰⵏ ⴷ ⴰⵎⵎⴰⵙ ⴰⵎⴰⴷⴷⴰⵔ ⵏ ⵜⵡⴰⴷⵉⵡⵉⵏ ⵜⵉⵣⴳⵣⴰⵡⵉⵏ, ⵜⵓⴳⴳⴰ ⴷ ⵣⵓⵏ ⴷ ⵜⴰⵙⵉⵍⴰ ⵜⴰⵍⵓⵊⵉⵙⵜⵉⵜ ⴳ ⵜⵎⵀⵍⵜ ⴰⴷ, ⴳ ⵓⵙⴳⴳⵯⴰⵙ 1978 ⵉⵕⵥⵎ ⵓⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ ⵉ ⵓⴼⵜⴰⵙ ⵏ ⵍⵡⴰⵟⵢⴰ, ⴰⵢⵍⵍⵉ ⵉⵙⵙⴷⵓⵙⵏ ⵜⴰⵎⵍⴰⵍⵜ ⵜⴰⴷⵓⵙⴰⵏⵜ ⵏ ⵟⴰⵏⵟⴰⵏ ⴳ ⵓⴼⵜⴰⵙ ⴰⵟⵍⴰⵏⵟⵉ. ⵙⴳ ⵜⴳⵉⵔⴰ ⵏ ⵜⵎⵔⴰⵡⵜ ⵜⵉⵙ ⵙⵎⵎⵓⵙⵜ ⵏ ⵜⴰⵙⵓⵜ ⴰⴷ ⵉⵣⵔⵉⵏ, ⵜⴷⵡⵍ ⵟⴰⵏⵟⴰⵏ ⵢⴰⵏ ⴳ ⵉⴼⵜⴰⵙⵏ ⵅⴰⵜⵔⵏⵉⵏ ⵏ ⵙⵙⵔⴷⵉⵏ ⴳ ⵍⵎⵖⵔⵉⴱ.

ⴷ ⵓⵍⴰ, ⴰⵔ ⴷ ⵉⵜⵜⴰⵡⵉ ⵓⵏⵎⵓⴳⴳⴰⵔ ⵏ ⵟⴰⵏⵟⴰⵏ ⴽⵓ ⴰⵙⴳⴳⵯⴰⵙ ⵜⵉⵇⴱⵉⵍⵉⵏ ⵜⵉⵏⴰⴳⴰⵎⵉⵏ ⴰⴷ ⵙⴼⵓⴳⵍⵓⵏⵜ ⵙ ⵜⴰⵢⵙⵉ ⵜⴰⴷⵍⵙⴰⵏⵜ. ⵎⴽⵍⵍⵉ ⵜⵟⵟⴰⴼ ⵜⵙⴳⴰ ⵉⴷⵖⴰⵔⵏ ⵏ ⵉⴷⵔⵉⵣⵏ ⵣⵓⵏ ⴷ ⵉⴼⵔⴰⵙⵏ ⵏ ⵓⵥⵕⵓ ⴷ ⵜⵎⵖⵓⵣⵉⵏ, ⵜⴳ ⵜⴰⵎⵓⵔⵜ ⵏ ⵜⵓⴳⵜⵜ ⵏ ⵜⵎⵢⵓⵔⵉⵏ ⴷ ⵜⴰⵣⵣⵓⵍⵉⵏ ⵜⵉⵣⴰⵢⴽⵓⵜⵉⵏ ⵏ ⵓⴼⵓⵙ.

ⵙⵉⴷⵉ ⵉⴼⵏⵉ

ⵜⵍⵍⴰ ⵙⵉⴷⵉ ⵉⴼⵏⵉ ⴳ ⵢⵉⴼⴼⵓⵙ ⵏ ⵜⴰⴳⵓⵜ ⵏ ⵍⵎⵖⵔⵉⴱ, ⵜⴰⴳⴳⵓⴳ ⵅⴼ ⵓⴳⵯⵍⵎⵉⵎ ⵙ 50 ⵏ ⵉⴷ ⴽⵉⵍⵓⵎⵉⵟⵕ, ⴰⵔ ⵜⵙⵙⴰⴳⴳⵯ ⵅⴼ ⵢⵉⵍⵍ ⴰⵟⵍⴰⵏⵟⵉ. ⵜⵓⵙⵉ ⵜⵖⵔⵎⵜ ⵉⵙⵎ ⵏⵏⵙ ⵙⴳ ⵜⵙⴰⵚⴽⵓⵜ ⵏ ⵙⵉⴷⵉ ⵄⵍⵉ ⵉⴼⵏⵉ ⵉⵍⵍⴰⵏ ⴳ ⵜⵖⵔⵎⵜ, ⵜⴽⴽⴰ ⵜⵜ ⵉⵏⵏ ⵚⵚⴱⵍⵢⵓⵏ ⵜⵙⵙⴰⵖ ⴰⵙ ⵙⴰⵏⵜⴰ ⴽⵔⵓⵣ ⴷⵉ ⵍⴰⵎⴰⵕ ⴱⵉⴽⵉⵏⵢⴰ. ⵜⴻⵜⵜⵡⴰⵙⵙⴰⵏ ⴳ ⵓⵎⵣⵔⵓⵢ ⵙ ⵓⵙⴷⵓⵔⵔⵉ ⴰⵚⴱⵍⵢⵓⵏ ⵏⵏⴰ ⵉⵙⵙⵏⵜⵉⵏ ⴰⵙⴳⴳⵯⴰⵙ ⵏ 1934, ⵍⵍⵉⵖ ⵉⵙⵙⵏⵜⵉ ⵚⵚⴱⵍⵢⵓⵏ ⴰⴷ ⵜⵜ ⵉⵙⵏⴼⵍ ⴰⴷ ⵜⴳ ⵜⵉⵖⵔⵎⵜ ⵉⵔⵡⴰⵙⵏ ⵜⵉⵖⵔⵎⵉⵏ ⵏⵏⵙⵏ. ⵎⵙⵇⴰⵔ ⵓⵢⴰ, ⵓⵔⴰⵔⵏⵜ ⵜⵇⴱⵉⵍⵉⵏ ⵏ ⴰⵢⵜ ⴱⴰⵄⵎⵕⴰⵏ ⵢⴰⵜ ⵜⵎⵍⴰⵍⵜ ⴰⴷⵙⵍⴰⵏ ⴳ ⵜⵏⵣⴱⴰⵢⵜ ⵏ ⵓⵙⴷⵓⵔⵔⵉ, ⵜⴻⵜⵜⵡⴰⵙⵙⵏ ⵙ ⵜⵏⴽⵔⴰ ⵏⵏⵙ ⵏ ⵓⵙⴳⴳⵯⴰⵙ 1957 ⵎⴳⴰⵍ ⵜⵉⵔⵎⵉⵜⵉⵏ ⵏ ⵜⵙⵖⵍⴰⵏⵜ ⵜⴰⵚⴱⵍⵢⵓⵏⵜ. ⵜⴰⵏⴽⵔⴰ ⴰⴷ ⵜⵙⵎⴷ ⵙ ⵓⵙⵙⴰⵖⵓⵍ ⵏ ⵙⵉⴷⵉ ⵉⴼⵏⵉ ⴳ ⵓⵙⴳⴳⵯⴰⵙ ⵏ 1969 ⴹⴰⵕⵜ ⵏ ⵢⴰⵜ ⵜⵥⵉⴹⵕⴰ ⵖⵣⵣⵉⴼⵏ, ⴰⵢⵍⵍⵉ ⵉⵙⵙⴷⵓⵙⵏ ⴰⴷⵖⴰⵔ ⵏⵏⵙ ⴳ ⵜⵎⴽⵜⵉⵜ ⵜⴰⵏⴰⵎⵓⵔⵜ ⴰⵎ ⵓⴳⵣⵣⵓⵎ ⵙⴳ ⵓⵎⵣⵉⵣⵣⵍ ⴰⴱⴰⵔⴰⵡ ⵏ ⵓⵙⴷⵔⴼⵉ ⵏ ⵜⵙⴳⴳⵉⵡⵉⵏ ⵜⵉⵏⵣⵔⵓⴼⵉⵏ ⵜⵉⵎⵖⵔⴰⴱⵉⵢⵉⵏ

ⴰⵙⴰ ⵥⵥⴰⴳ

ⴰⵙⴰ ⵥⵥⴰⴳ ⴷ ⵢⴰⵏ ⵙⴳ ⵉⵖⵔⵎⴰⵏ ⵉⵎⵣⵔⴰⵢⵏ ⴳ ⵜⵙⴳⴰ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⵜⵍⵍⴰ ⴳⵔ ⵉⴷⵔⴰⵔⵏ ⵏ ⴱⴰⵏⵉ ⴷ ⵡⴰⵔⴳⵣⵉⵣ, ⵜⵥⵍⵉ ⵙ ⵉⵔⴽⴰⵣⵏ ⵏⵏⵙⵏ ⵉⴳⴰⵎⴰⵏⵏ ⴳⴰⵏⵉⵏ ⵡⴰⵥ. ⵢⴰⵖⵓⵍ ⵢⵉⵙⵎ ⵏⵏⵙ ⵙ ⵜⴳⵓⵔⵉ ⵏ “ⵜⵉⵙⵉⵜ” ⵏⵏⴰ ⵖⵓⵔ ⴰⵏⴰⵎⴽ ⵏ ⵡⴰⴽⴰⵍ ⵉⴷⵔⴰⵏ, ⵙ ⵓⵢⴰ ⴰⵔ ⵙⵉⵙ ⵜⵎⵎⴰⵍ ⵜⴰⴳⴰⵎⴰ ⵏⵏⵙ ⵜⴰⵊⵢⵓⴳⵕⴰⴼⵉⵜ ⵉⵥⵉⵍⵏ. ⵉⵜⵜⵡⴰⵙⵙⴰⵏ ⵓⵙⴰ ⵙ ⵓⴳⴰⴷⵉⵔ ⵏⵏⵙ ⴰⵇⴱⵓⵔ, ⵏⵏⴰ ⵉⴳⴰⵏ ⵢⴰⵏ ⵙⴳ ⵉⴷⵔⵉⵣⵏ ⵅⴰⵜⵔⵏⵉⵏ ⴳ ⵜⵙⴳⴰ, ⴷⴰ ⵉⵜⵜⴰⵖⵓⵍ ⵓⵎⵣⵔⵓⵢ ⵏⵏⵙ ⵙ ⵎⴰⴷ ⵢⴰⵥⵏ ⵎⵔⴰⵡⵜ ⵜⴰⵙⵓⵜⵉⵏ, ⵉⴳ ⴰⵎⵎⴰⵙ ⴰⵎⵣⵔⴰⵢ ⵢⵓⵔⴰⵔ ⵜⴰⵎⵍⴰⵍⵜ ⵜⴰⵅⴰⵜⴰⵔⵜ ⴳ ⵜⵓⴷⵔⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵉ ⵉⵎⵣⴷⴰⵖⵏ ⵏ ⵜⵙⴳⴰ.

ⵉⴳⴰ ⵓⴳⴰⴷⵉⵔ ⵏ ⵓⵙⴰ ⵢⴰⵜ ⵜⵎⴰⵜⴰⵔⵜ ⵏ ⵓⵥⴽⴽⴰ ⴰⵇⴱⵓⵔ ⴳ ⵜⵙⴳⴰ, ⵉⵜⵜⵓⵚⴽⴰ ⵙ ⵓⴷⵎⵔⵙ ⵏ ⵜⵎⵜⵜⴰⵡⵉⵏ ⵜⵉⴳⴰⵎⴰⵏⵉⵏ ⵣⵓⵏ ⴷ ⵜⴰⵍⵍⴰⵖⵜ ⴷ ⵡⴰⵍⵉⵎ ⴷ ⵓⴳⵊⵊⵓⴼ, ⴰⵢⵍⵍⵉ ⵜ ⵢⵓⵊⵊⴰⵏ ⴰⴷ ⵉⵥⵥⵉⴹⵕ ⵅⴼ ⵓⵏⵣⵡⵉ ⵉⵛⵇⵇⴰⵏ ⵉⴼⴽ ⴰⴼⵔⴰⴳ ⵉ ⵉⵎⵣⴷⴰⵖⵏ. ⵉⴽⴽⴰ ⵜⵜ ⵉⵏⵏ ⵓⴳⴰⴷⵉⵔ ⴷ ⵢⴰⵏ ⵡⴰⵎⵎⴰⵙ ⵏ ⵜⵇⴱⵉⵍⵉⵏ ⵜⵉⴷⵖⵔⴰⵏⵉⵏ ⵙⵍⴰⵡⴰⵏ ⴰⴽⴽⵯ ⴰⵢⵜ ⵎⵓⵙⴰ, ⵏⵏⴰ ⵜⵜ ⵉⵏⵏ ⵉⴽⴽⴰⵏ ⴰⵔ ⴳⵉⵙ ⵙⴽⴰⵔⵏ ⵉⴳⵔⴰⵡⵏ ⵏⵏⵙⵏ, ⵜⴽⴽ ⵜⵜ ⵉⵏⵏ ⴰⵔ ⵜⵙⴷⵎⵢⴰ ⴰⵎⵎⴰⵙ ⵏ ⵢⵉⵎⵉⵥ ⵏ ⵜⵖⵜⴰⵙⵉⵏ ⵉⵣⴷⵉⵏ ⵙ ⵜⵎⵙⴰⵔⵉⵏ ⵜⵉⴷⵎⵙⴰⵏⵉⵏ ⴷ ⵜⵙⵔⵜⴰⵢ ⴷ ⵜⵏⴰⵎⵓⵏⵉⵏ. ⵜⴼⵔⴳ ⵜⵎⴽⵜⵉⵜ ⵜⴰⵖⵔⴼⴰⵏⵜ ⵙ ⵢⵉⵙⵎⴰⵡⵏ ⵏ ⵜⵓⴳⵜⵜ ⵏ ⵉⵏⵖⵎⵓⵔⵏ ⵏⵏⴰ ⵜⵜ ⵉⵏⵏ ⴷⴰ ⵙⵡⵓⴷⴷⵓⵏ ⵉⵙⴽⴽⵉⵏⵏ ⵏ ⵓⴳⴰⴷⵉⵔ.

ⵜⴰⵎⴰ ⵏ ⵡⴰⵢⴷⴰ ⴰⵎⵥⴽⴰⵡ, ⵜⴳⴰ ⵣⵣⴰⵡⵉⵜ ⵏ ⵓⵙⴰ ⵜⴰⴷ ⴰⴽⴽⵯ ⵉⴳⴰⵏ ⵜⴰⵣⴰⵢⴽⵓⵜ ⴳ ⵜⵏⵣⵔⵓⴼⵜ ⵢⴰⵖⵓⵍ ⵓⵙⵔⵓⵙ ⵏⵏⵙ ⵙ ⵜⴰⵙⵓⵜ ⵜⵉⵙ 7 ⵜⴰⵀⵉⵊⵔⵉⵜ/13 ⵏ ⵜⵍⵣⵍⵉⵜ ⵏ ⵍⵎⴰⵙⵉⵃ ⴳ ⵉⴳⴳⵉ ⵏ ⵓⴼⵓⵙ ⵏ ⵓⵏⵣⴱⴰⵢ ⵉⵄⵣⵣⴰ ⵓⵢⵀⴷⴰ, ⵜⵥⵕⴰ ⵣⵣⴰⵡⵉⵜ ⴰⴷ ⵢⴰⵜ ⵜⵏⴽⵔⴰ ⵎⵇⵇⵓⵔⵏ ⴷ ⵓⴽⵛⵛⵓⵎ ⵏ ⵡⴰⵄⵕⴰⴱⵏ ⵙ ⵍⵎⵖⵔⵉⴱ, ⵙⴳ ⵜⴰⵙⵓⵜ ⵜⵉⵙⵙ 14 ⵜⴰⵀⵉⵊⵔⵉⵜ, ⵜⴳⴰ ⵣⵣⴰⵡⵉⵜ ⵏ ⵓⵙⴰ ⵢⴰⵏ ⵡⴰⵎⵎⴰⵙ ⴰⴷⵍⵙⴰⵏ ⴰⵖⵔⵎⴰⵏ ⵓⵙⵍⵉⵎ ⵉⵅⴰⵜⵔⵏ ⵙ ⵜⵡⵉⵙⵉ ⵏ ⵜⵉⵍⵉⵜ ⵏ ⵉⵙⵍⵎⴰⴷⵏ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵍⵎⴷ ⵏ ⵉⵎⵏⵣⴰⵢⵏ ⵓⵙⵍⵉⵎⵏ ⴷ ⵉⵙⴳⴷⴰⵏⵏ ⵉ ⵡⵉⴷ ⵙⵉⵙ ⵉⵜⵜⴰⵛⴽⴰⵏ ⴳ ⵉⵎⵣⵔⴰⵡⵏ, ⵜⵉⵣⵡⵉⵔⵉ ⵏ ⵜⴰⵙⵓⵜ ⵜⵉⵙ 17 ⵏ ⵜⵍⴰⵍⵉⵜ ⵏ ⵍⵎⴰⵙⵉⵃ, ⵉⴷⵡⵍ ⵓⵙⴰ ⵜⴰⵏⵉⵍⴰ ⵏ ⵉⴳⵔⴰⵡⵏ ⵉⵏⴼⴳⴰⵏⵏ ⵙⵍⴰⵡⴰⵏ ⴰⴽⴽⵯ ⵉⵕⵃⵃⴰⵍⵏ ⵡⴰⵍⴰⵏⵉⵏ ⵉ ⵜⵇⴱⵉⵍⵜ ⵏ ⴰⵢⵜ ⵓⵙⴰ, ⵏⵏⴰ ⵉⵎⵎⵔⴽⵙⵏ ⴷ ⵉⵎⵣⴷⴰⵖⵏ ⵉⵎⴰⵣⵉⵖⵏ ⵉⴷⵖⵔⴰⵏⵏ. ⵉⴳⴰ ⵓⴳⴰⴷⵉⵔ ⵏ ⵓⵙⴰ ⴰⵎⵎⴰⵙ ⴰⵏⵣⵔⵓⴼ ⵉⵥⵥⵏⵥⵕⵏ ⴳ ⵓⵙⵡⵉⵔ ⴰⵎⴰⴹⵍⴰⵏ ⴳ ⵜⵉⵣⵉ ⴰⵏⵏ ⵍⵍⵉⵖ ⵜⴱⵓⵖⵍⴰ ⵜⵙⵖⵏⵣⵉⵜ ⵙ ⵜⵡⵉⵙⵉ ⵏ ⵉⴽⴰⴱⴰⵕⵏ ⵉⵣⵣⵔⴰⵢⵏ ⴳ ⵜⵏⵣⵔⵓⴼⵜ ⴰⵡⵉⵏ ⴷ ⵉⵢⴰⴼⵓⵜⵏ ⵙⴳ ⵉⵎⵓⴷⴰⵔ ⴷ ⵉⵙⵓⴼⴰⵔ ⴷ ⵓⵥⵟⵟⴰ. ⴰⵔ ⵢⴰⵇⵇⵔⴰ ⴳ ⵣⵣⴰⵡⵉⵜ ⵜⵓⴳⵜⵜ ⵏ ⵉⵎⵣⵔⴰⵡⵏ ⵜⵜⵍⵎⴰⴷⵏⵉⵏ ⵜⵉⵎⵙⵉⵔⵉⵏ ⴳ ⵓⵃⵙⵙⵓ ⵏ ⵍⵇⵕⴰⵏ ⴷ ⵜⵎⵙⵉⵔⵉⵏ ⵏ ⵍⵃⴰⴷⵉⵜ ⴷ ⵉⵍⵓⴳⵏⵏ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ.