ⴷⴰ ⵙⵎⴷⵢⴰⵏⵜ ⵜⵡⵓⵔⵉⵡⵉⵏ ⵏ ⵜⵎⵏⴰⴹⵜ ⴳ ⵓⴳⵯⵏⵙ ⵏ ⵜⵙⵙⵓⵏⴹⵜ ⵏⵏⵙ ⵜⴰⵎⵓⵔⴰⵏⵜ ⴳ ⵓⵙⴷⵓⵙ ⵏ ⵜⴳⵎⵉ ⵜⴰⵎⵙⵉⴷⴼⵜ ⴷ ⵜⵙⵓⵍⴰⵏⵜ ⵙⴳ ⵓⵙⵏⵎⴰⵍⴰ ⵏⵏⵙ ⴷ ⵓⵣⴷⴷⵓⵢ ⵏⵏⵙ ⴷ ⵜⴹⴼⵕⵉ ⵏⵏⵙ. ⵢⵓⵎⴰ ⵎⴰⵢⴰ ⵏⵏ ⴰⵙⵖⵓⴷⵓ ⵏ ⵜⵏⵏⵓⵣⵖⴰ ⵏ ⵢⵉⴳⵔ ⴰⵎⵓⵔⴰⵏ ⵏ ⵜⵎⵏⴰⴹⵜ, ⴷ ⵓⵙⴷⵓⵙ ⵏ ⵜⵎⵣⵉⵣⵡⵔⵜ ⵜⴰⴷⵎⵙⴰⵏⵜ, ⴷ ⵓⴹⴼⵓⵕ ⵏ ⵉⵙⵡⵓⴷⴷⵓⵜⵏ ⴷ ⵜⵎⴳⴳⵉⵢⵉⵏ ⵉⵙⵙⵔⵇⴰⴱⵏ ⵅⴼ ⵓⵙⵔⵓⵙ ⵏ ⵜⵎⵙⵙⵏⵜⴰⵢ ⴷ ⵓⵙⴱⵓⵖⵍⵓ ⵏ ⵜⵡⵏⵏⴰⴹⵜ ⵏⵏⵙ. ⵎⴽⵍⵍⵉ ⵜⴻⵜⵜⵎⴰⵖ ⵜⵎⵏⴰⴹⵜ ⵅⴼ ⵜⴰⵣⵣⴰⵣⵜ ⵏ ⵓⵙⴷⵖⵔ ⵏ ⵜⵉⵍⴰⵍ ⵉⵙⵢⴰⴼⵓⵏ ⴰⵖⵍⴰ ⴷ ⵜⵙⵖⴰⵏ, ⴷ ⵓⵍⴽⴰⵎ ⵏ ⵓⵙⵎⵔⵙ ⴰⵎⴷⵢⴰ ⵏ ⵉⵙⵓⴳⴰⵎ ⵉⴳⴰⵎⴰⵏⵏ, ⴷ ⵓⴼⵔⴰⴳ ⵏⵏⵙⵏ, ⴷ ⵜⴷⵔⴰⵡⵜ ⴳ ⵓⵍⴽⴰⵎ ⵏ ⵜⴳⵎⵉ ⵜⴰⵙⵓⵍⴰⵏⵜ. ⵎⴽⵍⵍⵉ ⵜⵙⵡⵓⵔⵉ ⵜⵎⵏⴰⴹⵜ ⵅⴼ ⵓⵙⴷⵓⵙ ⵏ ⵜⵣⵎⵎⴰⵔ ⵏⵏⵙ ⴳ ⵓⵙⵡⵓⴷⴷⵓ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵓⵙⵎⵓⵜⵜⴳ ⵏⵏⵙⵏ, ⵉⵜⵜⵢⴰⵙⴰⵢ ⵙ ⵜⴰⵢⵏⵉⵜ ⵜⵉⵙⵔⵜⴰⵢ ⴷ ⵜⵙⵜⵕⴰⵜⵉⵊⵉⵢⵉⵏ ⵜⵉⵎⴰⵜⴰⵢⵉⵏ ⴷ ⵜⵣⵓⵏⴰⵏⵉⵏ ⵏ ⵓⵡⴰⵏⴽ ⴳ ⵢⵉⴳⵔⴰⵏ ⴰⴷ.
ⵜⵍⵍⴰ ⵜⵙⵏⵙⵉ ⵏ ⵓⵎⵏⵣⴰⵢ ⵏ ⵓⵙⵡⵓⴷⴷⵓ ⵉⵍⴻⵍⵍⵉ ⴳ ⵓⵙⵡⵓⴷⴷⵓ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵏⵏⴰ ⵢⴰⴽⴽⴰⵏ ⴳ ⵓⵙⵡⵉⵔ ⵏ ⵜⵡⵓⵔⵉⵡⵉⵏ ⵏⵏⵙ, ⵜⴰⵏⴱⴰⴹⵜ ⵏ ⵓⵎⵔⴰⵔⴰ ⵙ ⵜⴱⵔⵉⴷⵜ ⵜⴰⴷⵉⵎⵓⵇⵕⴰⵟⵉⵜ, ⴷ ⵜⵏⴱⴰⴹⵜ ⵏ ⵓⵣⵣⴳⵉⵔ ⵏ ⵉⵎⴷⵉⵡⴰⵍ ⵏⵏⵙ ⴷ ⵜⵖⵜⴰⵙⵉⵏ ⵏⵏⵙ, ⵙ ⵓⵎⵙⴰⵙⴰ ⴷ ⵉⴱⴹⵉⵢⵏ ⵓⵣⵔⵉⴼⵏ ⴷ ⵉⵎⴰⴷⴷⴰⵙⵏ ⵅⴼ ⵉⵍⵍⴰ ⵓⵙⵡⵓⵔⵉ, ⴷ ⵉⵣⴷⵉⵏ ⵙ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 111-14 ⵉⵥⵍⵉⵏ ⵙ ⵜⵎⵏⴰⴹⵉⵏ.
ⵉ ⵓⵍⴽⴰⵎ ⵏ ⵉⵡⵜⵜⴰⵙⵏ ⴰⴷ, ⴷ ⵙ ⵜⵖⴰⵔⴰⵙⵜ ⵏ ⵓⵎⴰⴳⵔⴰⴷ 140 ⵙⴳ ⵓⴷⵓⵙⵜⵓⵔ, ⴰⵔ ⵜⵙⴽⴰⵔ ⵜⵎⵏⴰⴹⵜ ⵜⵉⵡⵓⵔⵉⵡⵉⵏ ⵜⵉⵏⵉⵎⴰⵏⵉⵏ ⴷ ⵜⵉⵢⵢⴰⴹ ⵜⵉⵎⴳⵔⴰ ⴰⴽⴷ ⵓⵡⴰⵏⴽ, ⴷ ⵜⵡⵓⵔⵉⵡⵉⵏ ⵢⴰⴹⵏ ⵏⵏⴰ ⴰⵙ ⴷ ⵉⴽⴽⴰⵏ ⴷⴰⵔ ⵓⵡⴰⵏⴽ ⵙ ⵓⵎⵙⴰⵙⴰ ⴰⴽⴷ ⵓⵎⵏⵣⴰⵢ ⵏ ⵓⴱⵟⵟⵓ. ⵉⵥⵍⵉ ⵓⵎⴰⴳⵔⴰⴷ 141 ⵏ ⵜⵎⵏⴰⴹⵉⵏ ⴷ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⵢⴰⴹⵏ ⵉⵙⵓⴳⴰⵎ ⵉⵥⵕⴼⴰⵏⵏ ⵉⵏⵉⵎⴰⵏⵏ ⴷ ⵡⵉⵢⵢⴰⴹ ⵜⴻⵜⵜⵓⵥⵍⴰⵢⵏ ⵙⴳ ⴷⴰⵔ ⵓⵡⴰⵏⴽ, ⵉⵙⵙⵎⵜⵔ ⵙ ⵎⴰⵙ ⴷ ⴽⵓ ⵜⴰⵥⵍⴰⵢⵜ ⵉⵎⵎⴰⵜⵜⵉⵏ ⵙ ⴷⴰⵔ ⵜⵎⵏⴰⴹⵉⵏ ⴷ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⵉⵇⵇⴰⵏ ⴷ ⴰⴷ ⴷⵉⵙ ⵉⵎⵓⵏ ⵓⵙⵏⴼⵍ ⵏ ⵉⵙⵓⴳⴰⵎ ⴷⵉⴷⵙ ⵉⵎⵙⴰⵙⴰⵏ.
ⵉⵙⴷⴷⵉⵙ ⵓⴷⵓⵙⵜⵓⵔ ⵅⴼ ⵓⵙⵔⵓⵙ ⵏ ⵓⴼⵏⵉⵇ ⵏ ⵓⵙⵖⵔⵜ ⴰⵏⴰⵎⵓⵏ ⵉ ⵜⵎⵏⴰⴹⵉⵏ ⵉ ⵢⴰⵜ ⵜⵉⵣⵉ, ⵉⵡⴰⵜⵜⵙ ⴰⵙⵎⴽⵍ ⵏ ⵜⴷⵔⵙⵉ ⴳ ⵢⵉⴳⵔⴰⵏ ⵏ ⵜⴳⵎⵉ ⵜⴰⵏⴼⴳⴰⵏⵜ, ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⴷⵙⵍⴰⵏⵉ, ⴷ ⵜⵏⵓⴼⴰ ⵜⵉⵎⴰⵜⴰⵢⵉⵏ. ⵢⵉⵍⵉ ⴰⵡⴷ ⵓⵙⵥⵍⵉ ⵏ ⵓⴼⵏⵉⵇ ⵏ ⵓⵎⵢⴰⵡⴰⵙ ⴳⵔ ⵜⵎⵏⴰⴹⵉⵏ ⵉ ⵓⴹⴰⴽⴰⵍ ⵏ ⵓⴱⵟⵟⵓ ⵏ ⵉⵙⵓⴳⴰⵎ ⵙ ⵜⵡⵉⵍⴰ ⵜⴰⵎⵢⴰⵙⵜ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵓⴷⵔⵙ ⵏ ⵉⵏⵓⵃⵢⵓⵜⵏ ⴳⵔⴰⵜⵙⵏⵜ.