ⴳ ⵓⵙⴰⵜⵉ ⵏ ⵜⵓⴳⴳⴰⵙ ⵜⵉⵎⴹⴼⴰⵕ ⵏ ⵓⵙⴼⵍⵙ ⵏ ⵉⵙⵓⴳⴰⵎ ⵏ ⵡⴰⵎⴰⵏ ⵉⵎⴰⵢⵏⵓⵜⵏ ⵉ ⵓⵎⵏⴰⵍⴰ ⵏ ⵉⵏⴰⵥⴰⵕⵏ ⵏ ⵓⵏⵣⵡⵉ ⴷ ⵜⵡⵏⵏⴰⴹⵜ, ⵉⴷⴷⴰ ⴷ ⵓⵙⵏⵜⵉ ⵏ ⵓⵙⵔⵙ ⵏ ⵓⴼⵜⴰⵙ ⴰⵎⵍⵍⴰⵍ ⵉ ⵓⵙⵙⵉⵣⴷⴳ ⵏ ⵡⴰⵎⴰⵏ ⵏ ⵢⵉⵍⵍ ⴰⵎ ⵢⴰⵜ ⵙⴳ ⵜⵙⵏⵜⴰⵢⵉⵏ ⵜⵉⴷⵙⵍⴰⵏⵉⵏ ⴳ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ. ⵉⵡⴰⵜⵜⵙ ⵓⵙⵏⵜⵉ ⴰⴷ ⴰⵙⵎⵙⵙⵓ ⵏ ⵉⵙⵓⴳⴰⵎ ⴷ ⵉⵇⵇⴰⵏⵏ ⵉ ⵓⵙⵙⵓ ⵏ ⵎⴰⴷ ⵉⴳⴰⵏ 3000 ⵏ ⵓⵀⵉⴽⵟⴰⵕ ⵙⴳ ⵉⴽⴰⵍⵉⵡⵏ ⵏ ⵜⵢⵔⵣⴰ ⴳ ⵜⵙⴳⴰ, ⴰⵢⵍⵍⵉ ⵉⵜⵜⴰⵡⵙⵏ ⴳ ⵡⴰⵏⵏⴰⵍ ⵏ ⵉⴼⵍⵍⴰⵃⵏ ⴷ ⵜⵎⵔⵏⵓⵜ ⵏ ⵜⵢⴰⴼⵓⵜ ⵜⴰⴽⵔⵣⴰⵏⵜ.
ⴰⵙⵏⵜⵉ ⵉⵡⴰⵜⵜⵙ ⴰⵙⵓⵊⴷ ⵏ ⵡⴰⵎⴰⵏ ⵏ ⵜⵉⵙⵙⵉ ⵉ ⵉⵎⵣⴷⴰⵖⵏ, ⴰⵢⵍⵍⵉ ⵔⴰⴷ ⵉⵙⵙⴷⵓⵙ ⵜⴰⵙⵓⵍⵜ ⵏ ⵉⵙⵓⴳⴰⵎ ⵏ ⵡⴰⵎⴰⵏ, ⴷ ⵔⴰⴷ ⵢⴰⵊⵊ ⴰⵣⵣⴳⵉⵔ ⵏ ⵜⵙⵜⵕⴰⵜⵉⵊⵉⵜ ⵜⴰⵏⴳⵎⵓⵜ ⵉⵙⵎⴷⵏ ⵉ ⵜⵙⴳⴰ, ⵙⴳ ⵓⵙⵏⵜⵉ ⴰⴷ ⵔⴰⴷ ⵢⵉⵍⵉ ⵓⵙⵎⵙⵙⵉ ⵅⴼ ⵓⵙⵖⵓⴷⵓ ⵏ ⵜⵏⵓⴷⴰⴼ ⵏ ⵉⴼⵍⵍⴰⵃⵏ ⵙⴳ ⵜⴽⵔⵣⴰ ⵏ ⵉⵢⴰⴼⵓⵜⵏ ⵛⵓⵔ ⵜⵉⵏⴷⵉ ⵜⴰⵎⵔⵏⵉⵡⵜ ⵢⴰⵜⵜⵓⵢⵏ, ⴰⵢⵍⵍⵉ ⵔⴰⴷ ⵉⴳ ⵢⴰⵜ ⵜⵔⵙⵍⵜ ⵜⴰⴷⵙⵍⴰⵏⵜ ⵉ ⵓⵍⴽⴰⵎ ⵏ ⵜⴳⵎⵉ ⵜⴰⵙⵓⵍⴰⵏⵜ ⴳ ⵓⵙⵡⵉⵔ ⴰⴷⵖⵔⴰⵏ.
ⴰⵔ ⵉⵜⵜⵓⵙⴽⴰⵔ ⵓⵣⵣⴳⵉⵔ ⵏ ⵓⵙⵏⵜⵉ ⵙ ⵓⴷⵔⴰⵡ ⴳⵔ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ, ⴰⵙⵇⵇⵉⵎ ⵏ ⵜⵎⵏⴰⴹⵜ, ⴷ ⵢⵉⴳⵔ ⵓⵙⵍⵉⴳ, ⵔⴰⴷ ⵉⵍⴽⵎ ⵡⴰⵜⵉⴳ ⵏⵏⵙ ⴰⵙⵓⵜⴳⴰⵏ 742 ⵎⵍⵢⵓⵏ ⵏ ⵓⴷⵔⵀⵎ. ⵉⴳⴰ ⵓⵙⵏⵜⵉ ⴰⴷ ⵢⴰⵏ ⵓⴳⵣⵣⵓⵎ ⴳ ⵓⵙⵓⵖⵏ ⵏ ⵜⵎⵏⴰⴹⵜ ⵃⵎⴰ ⴰⴷ ⵜⵙⴱⵓⵖⵍⵓ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ ⵏ ⵡⴰⵎⴰⵏ ⴷ ⵜⵥⵓⵥⵜ ⵅⴼ ⵓⵙⴼⵍⵙ ⵏ ⵉⵙⵓⴳⴰⵎ ⵏ ⵡⴰⵎⴰⵏ ⴳⵓⵎⵏⵉⵏ ⴷⵉⴼⵔⵔⵓⵏ ⵜⴰⵙⵓⵍⵜ ⵏ ⵜⵉⵍⴰⵍⵜ ⵜⴰⴽⵔⵣⴰⵏⵜ ⴷ ⵜⵏⵏⴰⵍ ⵜⵉⵙⵔⵉ ⵜⴰⴷⵎⵙⴰⵏⵜ ⵏ ⵜⵙⴳⴰ.