ⵜⵥⵍⵉ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⵙ ⵡⴰⵏⵙⴰ ⵏⵏⵙ ⴰⵊⵢⵓⴳⵕⴰⴼⵉ ⵉⵣⴷⵉⵏ ⴳⵔ ⵢⵉⵥⵥⵍⵎⴹ ⴷ ⵢⵉⴼⴼⵓⵙ ⵏ ⵜⴳⵍⴷⵉⵜ, ⴷ ⵙ ⵉⵙⵓⴳⴰⵎ ⵏⵏⵙ ⵉⴳⴰⵎⴰⵏⵏ ⵉⵏⴱⵖⵓⵔⵏ ⴷ ⵜⴷⵍⵙⴰ ⵏⵏⵙ ⵜⴰⵎⵢⴰⵏⴰⵡⵜ ⵏⵏⴰ ⵉⵎⵎⴰⵍⵏ ⴰⵎⵣⵔⵓⵢ ⴰⵇⴱⵓⵔ ⴷ ⵜⵖⵔⵎⴰ ⵢⵓⵜⵏ ⵙ ⵉⵥⵓⵕⴰⵏ ⴳ ⵓⵣⵎⵣ, ⵜⵟⵟⴰⴼ ⵜⵎⵏⴰⴹⵜ ⵏⵏⵖ, ⵙ ⵜⵡⵉⵙⵉ ⵏ ⵜⵥⵉⴹⴰⵕ ⵜⵉⴷⵎⵙⴰⵏⵉⵏ ⴷ ⵜⴳⴰⵎⴰⵏⵉⵏ, ⵜⵉⵣⵎⵎⴰⵔ ⴰⴽⴽⵯ ⴰⴼⴰⴷ ⴰⴷ ⵜⴳ ⴰⵏⵙⵎⵓⵙⵙⵓ ⴰⴷⵙⵍⴰⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⴳ ⵓⵙⵡⵉⵔ ⵏ ⵜⴳⵍⴷⵉⵜ.
ⴰⵍⴽⴰⵎ ⵏ ⵜⴳⵎⵉ ⵜⴰⵖⵥⵓⵕⴰⵏⵜ ⵉⵙⵖⴰⵡⵙⴰ ⵙ ⵉⵥⵕⵉ ⵉⵙⵎⴷⵏ ⴷ ⵜⵙⵜⵕⴰⵜⵉⵊⵉⵜ ⵜⴰⵏⴳⵎⵓⵜ ⵉⵙⴷⵉⴽⴽⵏ ⵅⴼ ⵜⴷⵔⴰⵡⵜ ⵜⵉⵎⵕⵡⵉⵜ ⵙⴳ ⴷⴰⵔ ⵉⵎⴰⵣⵣⴰⵍⵏ ⴰⴽⴽⵯ ⵉⴷⵖⵔⴰⵏⵏ. ⵙ ⵓⵢⴰ ⴷⴰ ⵉⵙⵡⵓⵔⵉ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⵅⴼ ⵓⵙⵎⵀⵍ ⵏ ⵜⵎⵢⴰⴷⴰⵙⵜ ⵜⴰⵏⵊⵎⵓⵜ ⵜⵓⵎⴰⵉⵏⵎⵓⵔⴰⵏ, ⴰⵎⵓⵏ ⵓⵖⵔⵉⵎ, ⵉⵎⵙⵙⴰⵔⵓⵜⵏ, ⵃⵎⴰ ⴰⴷ ⵜⴻⵜⵜⵓⵙⴽⴰⵔ ⵢⴰⵜ ⵜⵡⵏⵏⴰⴹⵜ ⵜⵓⵏⵣⵉⵍⵜ ⵉ ⵜⴳⵎⵉ ⴷ ⵉⵙⵍⵍⵡⵉ.
ⵉⵜⵜⵓⵙⴽⴰⵔ ⵡⴰⵏⵙⴰ ⴰⴷ ⴰⵍⵉⴽⵟⵕⵓⵏⵉ ⴰⵎ ⵉⵎⵎⵉⵙ ⵏ ⵓⵏⵢⴰⵍⴽⴰⵎ ⵉⵎⵕⵡⵉ ⵉ ⵓⵙⴷⵓⵙ ⵏ ⵜⵙⵓⵙⵖⵜ ⴷ ⵓⵙⵉⴷⵙ ⵏ ⵜⵎⵙⵙⵓⴳⵓⵔⵜ ⵙⴳ ⵉⵏⵎⵓⵔⴰⵏ. ⵏⴽⴰⵢⵍⴰⵍ ⴰⴷ ⵉⴳ ⴰⵙⴽⵙⵍ ⵏ ⵓⵎⵢⴰⵖ ⵖⵓⵔ ⵜⴰⵢⴰⴼⵓⵜ ⴰⴽⴷ ⵉⵎⴰⵣⵣⴰⵍⵏ ⴰⴽⴽⵯ, ⴷ ⵓⵖⴱⴰⵍⵓ ⵏ ⵓⵎⵍⴰⵏ ⵖⵓⵔ ⵜⴰⴼⵍⵙⵜ ⵉⵍⴰⵏ ⴰⴷⵔⵉⵣ ⵓⵍⴳⵉⵏ, ⴰⵎⴰⴷⴷⴰⵙ, ⴰⵊⵢⵓⴳⵕⴰⴼⵉ, ⵚⵓⵚⵢⵓ-ⴰⴷⵎⵙⴰⵏ, ⴰⵡⵏⴹⴰⵏ, ⴰⴷⵍⵙⴰⵏ, ⴰⵎⴰⵏⵓⵏ, ⵉⵜⵜⵓⵎⴰⵢⴰⵏ ⵖⵔ ⵜⴳⵔⵓⵎⵎⵉⵏ ⴰⴽⴽⵯ ⵏ ⵉⵎⵖⵔⵉⵜⵏ ⵉⵎⵏⴷⴰⵣⵏ ⵙ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ.
ⵏⵎⵎⴰⵖ ⵏⴳ ⵏⵏ ⵜⵓⴳⴳⴰⵙ ⴰⴷ ⵉⴳ ⵡⴰⵏⵙⴰ ⴰⴷ ⵢⴰⵏ ⵢⵉⵎⵉⵙ ⵏ ⵓⵍⴽⴰⵎ ⵏ ⵢⵉⴷⵉⵔ ⵏⵏⵓⵏ ⵉ ⵢⴰⵏ ⵓⵣⴽⴽⴰ ⴰⵎⵓⴼⴰⵢ, ⴷ ⵢⵉⵎⴰⵍ ⴰⵎⵣⵡⴰⵔ ⵉ ⵜⵎⵏⴰⴹⵜ ⵏⵏⵖ.