ⵜⴰⵖⵍⴰ ⵏ ⵜⵖⵎⵔⵜ ⵉⵍⵍⴰⵏ ⴳ ⵜⴳⵔⴰⵡⵜ ⵏ ⵓⵙⵔⵉⵔ ⴳ ⵜⵙⴳⴰ ⵏ ⵓⴳⵯⵍⵎⵉⵎ ⵜⴰⴳⴳⵓⴳ ⴼⵍⵍⴰⵙ ⵙ ⵎⴰⴷ ⵉⴳⴰⵏ 10 ⵏ ⵉⴷ ⴽⵉⵍⵓⵎⵉⵟⵕ, ⵜⴳⴰ ⵢⴰⵜ ⵙⴳ ⵉⵥⵏⴰⴳⵏ ⵉⵅⴰⵜⴰⵔⵏ ⴳ ⵢⵉⴼⴼⵓⵙ ⵏ ⵍⵎⵖⵔⵉⴱ. ⵉⵜⵜⵡⴰⵙⵙⵏ ⵙ ⵜⵛⵓⵏⵉ ⵏⵏⵙ ⴰⴳⴰⵎⴰⵏ ⴷ ⵡⴰⴷⴷⴰⴳⵏ ⵏ ⵓⴳⵊⵊⵓⴼ, ⴰⵔ ⴷ ⵉⵜⵜⴰⵡⵉ (ⴰⵥⵏⴰⴳ) ⵉⵏⵔⵣⴰⴼ ⵙⴳ ⵓⴳⵯⵏⵙ ⵏ ⵍⵎⵖⵔⵉⴱ ⵓⵍⴰ ⴱⵕⵕⴰ ⵏⵏⵙ ⵙ ⵜⴳⵎⵎⴰ ⵏ ⵓⵙⵏⴱⴳⵉ ⵏⵏⴰ ⵡⴰⵍⴰⵏ ⴰⵢⵜ ⵓⵥⵏⴰⴳ.
ⴷⴰ ⴷⵉⴳⵙ ⵏⵜⵜⴰⴼⴰ ⵜⵓⴳⵜⵜ ⵏ ⵉⵖⴱⵓⵍⴰ ⵔⵖⴰⵏⵉⵏ, ⵜⴰⵖⵍⴰ ⴰⴷ ⵜⴻⵜⵜⵓⵜ ⵙ ⵜⵡⵉⵍⴰ ⵉⴳⴳⵓⵜⵏ ⵙ ⵓⵙⵔⴰⴳ ⵎⵓⴹⵏ, ⴷⵖⵉ, ⵉⵍⵍⴰ ⵓⵙⵡⵓⵔⵉ ⵅⴼ ⵉⵖⴰⵡⴰⵙⵏ ⵏ ⵓⵙⵙⵉⴷⵔ ⵏ ⵓⵥⵏⴰⴳ ⵙⴳ ⵓⵥⵥⵓ ⵏ ⵜⴰⵢⵏⵉⵡⵉⵏ ⵏ ⵓⴳⵊⵊⵓⴼ ⴷ ⵜⴰⴷⴷⴰⴳⵉⵏ ⵢⴰⴽⴽⴰⵏ ⵜⴰⵢⴰⴼⵓⵜ ⵣⵓⵏ ⴷ ⵕⵕⵎⵎⴰⵏ ⴷ ⵓⵣⴰⵜⵉⵎ ⴷ ⵜⴰⵣⴰⵔⵜ.
ⵜⵊⴱⴱⴷ ⵜⵖⵍⴰ ⵏ ⵜⵖⵎⵔⵜ ⴳ ⵎⴰⴷ ⵉⵍⴰ ⵡⴰⴷ ⵏⵓⵏ, ⵏⵜⵜⴰ ⴷ ⵢⴰⵏ ⵡⴰⵙⵉⴼ ⵉⵜⵜⵖⴰⵔⵏ ⵙⴳ ⵜⴳⵉⵔⴰ ⵏ ⵜⴼⵙⵓⵜ ⴰⵔ ⵜⴰⴳⵔⵙⵜ. ⵉⵍⵍⴰ ⴳ ⵜⵖⵍⴰ ⵜⵓⴳⵜⵜⵏ ⵉⵙⵓⵏⵏ ⵣⵓⵏ ⴷ ⴰⵢⵜ ⵉⴽⴽⵓ, ⵜⴰⵡⵔⵉⵔⵜ, ⴰⵙⵔⵉⵔ, ⴰⵔ ⴷ ⵜⵜⴰⵡⵉⵏ ⴰⵎⴰⵏ ⵙⴳ ⵉⴷⵔⴰⵔⵏ ⵙⴳ ⵡⴰⴷ ⵏⵓⵏ ⴷ ⵉⵙⵓⵔⴰ ⵏ ⵉⵣⴷⴰⵔ ⵏ ⵡⴰⴽⴰⵍ (ⵍⵅⵟⵟⴰⵕⴰⵜ).
ⴳⴰⵏ ⵓⵔⵜⴰⵏⵏ ⵉⵥⵏⴰⴳⵏ ⵏⵏⴰ ⵎⵉ ⵙⵙⵓⵜⵍⵏ ⵉⵖⵔⴱⴰⵏ ⵏ ⵜⴰⵍⵍⴰⵖⵜ ⴷ ⵏⵏⴰ ⵉⴷⵍⵏ ⵙ ⵓⴳⵊⵊⵓⴼ ⵙⴳ ⵉⴷⵔⵉⵣⵏ ⵉⴷⵙⵍⴰⵏⵏ ⴳ ⵜⵖⵎⵔⵜ, ⴷⴰ ⴷⵉⴳⵙⵏ ⵜⵜⵥⵥⵓⵏ ⵉⵎⵣⴷⴰⵖⵏ ⵉⵛⴰⴽⴰⵏ ⴳ ⵜⴼⵙⵓⵜ, ⵉⵜⵜⵓⵣⵎⴰⵔ ⵓⵔⵣⴰⴼ ⵏ ⵛⴰ ⵏ ⵍⵅⵟⵟⴰⵕⴰⵜ ⴷ ⵓⵎⴰⵣⵣⵔ ⵏⵏⴰ ⵉⵍⵍⴰⵏ ⴳ ⵓⵙⵓⵏ ⵏ ⴼⴰⵚⴽ ⵏⵏⴰ ⵎⵉ ⴼⴼⴰⵖⵏ ⵉⵎⵣⴷⴰⵖⵏ ⵏⵏⵙ. ⴷ ⵓⵍⴰ ⴰⵏⵙⵉⵡⵏ ⵏⵏⴰ ⴳ ⵍⵍⴰⵏ ⵉⴼⵔⴰⵙⵏ ⵉⵣⴰⵢⴽⵓⵜⵏ ⴳ ⵉⵥⵕⴰⵏ.