ⵉⴳⴰ ⵓⵙⴰ ⵥⵥⴰⴳ ⵜⴰⵙⴳⴰ ⴰⴽⴽⵯ ⵎⵇⵇⵓⵔⵏ ⴳ ⵜⵎⵏⴰⴹⵜ ⴳ ⵜⵊⵓⵎⵎⴰ, ⵜⵍⴽⵎ ⵜⵊⵓⵎⵎⴰ ⵏⵏⵙ ⵎⴰⴷ ⵉⴳⴰⵏ 27.000 ⵏ ⵓⴽⵉⵍⵓⵎⵉⵜⵕ ⴰⵎⴽⴽⵓⵥ, ⵎⴰⴷⵉⴳⴰⵏ 20% ⵏ ⵜⵊⵓⵎⵎⴰ ⵜⴰⵎⵙⵎⵓⵏⵜ ⵏ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ. ⴷ 44124 ⵏ ⵓⵎⵣⴷⴰⵖ (2014) ⵙ ⵢⴰⵜ ⵜⵏⵥⵉ ⵜⴰⵎⵣⴷⴰⵖⵜ ⵏⵏⴰ ⵢⴰⵥⵏ ⵉ 1.11 ⵏ ⵓⵎⵣⴷⴰⵖ ⴳ ⵓⴽⵉⵍⵓⵎⵉⵟⵕ ⴰⵎⴽⴽⵓⵥ.
ⵜⴳⴰ ⵜⵉⵍⴰⵍⵜ ⵜⴰⵏⴼⵍⴰⵃⵜ, ⵙⵍⴰⵡⴰⵏ ⴰⴽⴽⵯ ⵜⴰⴽⵙⵙⴰⴱⵜ, ⵜⵉⵍⴰⵍⵜ ⵜⴰⴷⵙⵍⴰⵏⵜ ⵏ ⵉⵎⵣⴷⴰⵖⵏ ⵏ ⵓⵙⴰ, ⵉⴳ ⴰⵙⵏ ⴰⵙⴰⴳⵎ ⴰⴷⵎⵙⴰⵏ. ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵍⵎⵖⵔⵉⴱ ⴰⵣⴳⵣⴰⵡ, ⵉⵜⵜⵓⵙⴽⴰⵔ ⵓⵣⵓⴳⵣ ⵏ ⵜⵓⴳⵜⵜ ⵏ ⵉⵙⵏⵜⴰⵢ ⵉ ⵓⵙⴱⵓⵖⵍⵓ ⵏ ⵓⵙⴳⵎⵉ ⵏ ⵉⵕⴰⵎⴰⵏ, ⴷ ⵓⵙⵉⵜⴳ ⵏ ⵡⴰⵖⵓ ⵏⵏⵙⵏ ⴷ ⵜⴼⵢⵢⵉ ⵏⵏⵙ ⴷ ⵓⵙⴳⵎⵉ ⵏ ⵜⵣⵣⵡⴰ ⴷ ⵓⴼⴰⵔⵙ ⵏ ⵜⵢⵢⵏⵉ ⴷ ⵉⵢⴰⴼⵓⵜⵏ ⵏ ⵓⴽⵏⴰⵔⵉ ⴷ ⵜⵎⵀⵍⴰ ⵜⵉⵜⵉⵏⵎⵙⴰⴷⴰⵖⵉⵏ ⵉ ⵓⵙⵎⵙⴰⵙⴰ ⵏ ⵜⵙⴳⴳⵉⵡⵉⵏ ⵏ ⵓⵏⴳⵉ ⴷ ⵓⵡⵜⵜⵓ ⵙⴳ ⵉⴷⵔⵉⵣⵏ ⵏ ⵜⴰⵖⴰⵔⵜ.
ⵎⴽⵍⵍⵉ ⵜⴳⴰ ⵜⵏⵉⴹⵉ ⵢⴰⵏ ⵙⴳ ⵢⵉⴳⵔⴰⵏ ⵅⴰⵜⵔⵏⵉⵏ ⵚⵓⵚⵢⵓ- ⵉⴷⵎⵙⴰⵏⵏ ⴳ ⵜⵙⴳⴰ ⴰⴷ, ⵉⴳ ⵉⴳⵔ ⴰⵎⵓⴼⴰⵢ ⴳ ⴷⴰⵔ ⵜⵓⴳⵜⵜ ⵏ ⵉⵎⵣⴷⴰⵖⵏ ⴰⴷ ⴳⵉⵙ ⵙⵡⵓⵔⵉⵏ, ⵢⵓⵎⴰ ⴽⵉⴳⴰⵏ ⵏ ⵡⴰⵢⵢⴰⵡⵏ ⵏ ⵜⵥⵓⵕⵉ ⴷ ⵓⴼⴰⵔⵙ ⵣⵓⵏ ⴷ ⵜⴰⵎⴳⵓⵔⵉⵏ, ⵜⴰⵏⵙⵔⴰⵎⵜ, ⵜⴰⵎⵙⵍⴰ ⵅⴼ ⵉⵥⵕⴰⵏ, ⵜⵉⴳⵏⵉ ⵜⴰⴱⵍⴷⵉⵜ, ⴰⵣⵟⵟⴰ ⵏ ⵉⵅⴰⵎⵏ ⴷ ⵜⴽⴹⵉⴼⵉⵏ, ⴷ ⵜⵖⴰⵡⵙⵉⵡⵉⵏ ⵏ ⵢⵉⵍⵎ.
ⵎⴰⴷ ⵉⵥⵍⵉⵏ ⵙ ⵢⵉⴳⵔ ⴰⵎⴰⵍⵍⴰⵢ, ⵜⵟⵟⴰⴼ ⵜⵙⴳⴰ ⵜⵉⵥⴹⴰⵕⵉⵏ ⵜⵉⵎⴰⵍⵍⴰⵢⵉⵏ ⵅⴰⵜⵔⵏⵉⵏ ⵉⵜⵜⵓⵣⵎⴰⵔ ⵓⵙⵖⵍⵍⴰ ⵏⵏⵙⵏⵜ ⴷ ⵔⴰⴷ ⴳⵉⵙ ⵙⴽⵔⵏⵜ ⵢⴰⵜ ⵜⵏⵉⵍⴰ ⵜⴰⵎⴰⵍⵍⴰⵢⵜ ⵉⵥⵍⵉⵏ ⵙ ⵓⵎⵢⴰⵏⴰⵡ ⵏ ⵓⵢⴰⴼⵓ ⴰⵎⴰⵍⵍⴰⵢ ⴰⴷⵖⵔⴰⵏ ⵏⵏⴰ ⴷⵉⴳⵙ ⵉⵍⵍⴰⵏ, ⴳ ⵏⵉⵜ ⵜⵍⵍⴰ ⵜⵎⴰⵍⵍⴰⵢⵜ ⵏ ⵜⵎⵙⴽⵙⴰⵍⵜ ⴷ ⵉⵏⵉⴳ, ⵜⴰⵎⴰⵍⵍⴰⵢⵜ ⵜⴰⴷⵍⵙⴰⵏⵜ, ⵜⴰⵎⴰⵍⵍⴰⵢⵜ ⵜⴰⴽⵓⵍⵓⵊⵉⵜ, ⴷ ⵜⵎⴰⵍⵍⴰⵢⵜ ⵜⴰⵎⴰⵙⵙⴰⵏⵜ.
