ⵜⵍⵍⴰ ⵜⵙⴳⴰ ⵏ ⵙⵉⴷⵉ ⵉⴼⵏⵉ ⴳ ⵢⵉⵥⵥⵍⵎⴹ ⵏ ⵜⴰⴳⵓⵜ ⵏ ⵜⵎⵏⴰⴹⵜ, ⵜⵖⵔⵔⴷ ⴳ ⵢⴰⵜ ⵜⵊⵓⵎⵎⴰ ⵏ 3190 ⵏ ⵓⴽⵉⵍⵓⵎⵉⵟⵕ ⴰⵎⴽⴽⵓⵥ, ⴰⵔ ⵜⵙⵙⴰⴳⴳⵯⴰ ⵅⴼ ⵓⴳⴰⵔⵓ ⴷ ⵉⴷⵔⴰⵏ ⵏ ⵡⴰⵟⵍⴰⵚ ⴰⵎⵥⵢⴰⵏ ⴷ ⵜⵡⵔⵉⵔⵉⵏ. ⴳⵉⵙ ⵙⵏⴰⵜ ⵜⴳⵔⴰⵡⵉⵏ ⵜⵉⵖⵔⵎⴰⵏⵉⵏ ⴷ 17 ⵏ ⵜⴳⵔⴰⵡⵜ ⵜⴰⴼⴰⵔⴰⵏⵜ, ⵍⴽⵎⵏ ⵉⵎⵣⴷⴰⵖⵏ ⵏⵏⵙ ⵎⴰⴷ ⵉⴳⴰⵏ 115.691 ⵏ ⵓⵎⵣⴷⴰⵖⵏ ⵙ ⵢⴰⵜ ⵜⵏⵥⵉ ⵏ 38.81 ⵏ ⵓⵎⵣⴷⴰⵖ ⴳ ⴽⵓ ⴰⴽⵉⵍⵓⵎⵉⵟⵕ ⴰⵎⴽⴽⵓⵥ.
ⵜⵓⵎⴰ ⵜⵙⴳⴰ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⵢⴰⵏ ⵓⴼⵜⴰⵙ ⵏ ⵜⴳⵎⵔⵜ ⵜⴰⵢⵍⴰⵏⵜ ⵣⵣⵖ 1989, ⴷ ⵉⴳ ⴰⵏⵙⴰ ⴰⵢⵍⴰⵏ ⵉⵅⴰⵜⵔⵏ ⴳ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ⴳ ⵜⵎⴰ ⵏ ⵓⴼⵜⴰⵙ ⵏ ⵟⴰⵏⵟⴰⵏ. ⴰⵔ ⵜⴻⵜⵜⵙⵓⵜⵓⵍ ⵜⵉⵍⴰⵍⵜ ⵜⴰⴷⵎⵙⴰⵏⵜ ⵏ ⵜⵙⴳⴰ ⴰⴷ ⵙ ⵜⵡⵉⵍⴰ ⵜⴰⴷⵙⵍⴰⵏⵜ ⵅⴼ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⵎⴰⵍⵍⴰⵢⵜ. ⴷ ⴰⵔ ⵉⵜⵜⵉⵍⵉ ⵓⴼⴰⵔⵙ ⵏ ⵜⵇⵓⵔⵔⵉⵜ, ⴷ 50 ⵏ ⵢⵉⴼⴹ ⵏ ⵓⵀⵉⴽⵟⴰⵕ ⵏ ⵓⴽⵏⴰⵔⵉ. ⵙ ⵓⵢⴰ ⴰⵔ ⵜⴰⴽⴽⴰ ⵜⵙⴳⴰ ⴰⴷ ⴰⵣⴳⵏ ⵏ ⵓⴼⴰⵔⵙ ⴰⵏⴰⵎⵓⵔ ⵏ ⵓⴳⵎⵎⵓ ⴰⴷ.
ⵜⵟⵟⴰⴼ ⵜⵙⴳⴰ ⵏ ⵙⵉⴷⵉ ⵉⴼⵏⵉ ⵜⵉⵥⴹⴰⵕⵉⵏ ⵜⵉⵎⴰⵍⵍⴰⵢⵉⵏ ⴱⴰⵀⵔⴰ ⵅⴰⵜⵔⵏⵉⵏ ⵃⵎⴰ ⴰⴷ ⴷ ⴰⵡⵉⵏ ⵉⵎⴰⵍⵍⴰⵢⵏ ⵉⵎⵖⵔⴰⴱⵉⵢⵏ ⴷ ⵉⴱⵕⵕⴰⵏⵏ, ⵢⵉⵍⵉ ⴷⴰⵔⵙ ⵙ ⵜⵓⵥⵍⴰⵢⵜ ⵜⴰⵡⴰⵏⵜ ⵏ ⵡⴰⵢⴷⴰ ⴰⴷⵍⵙⴰⵏ ⴷ ⵓⵎⵢⴰⵏⴰⵡ ⵏ ⵢⵉⴳⵔ ⴰⴳⴰⵎⴰⵏ ⴳ ⵏⵉⵜ ⵉⵍⵍⴰ ⵓⴼⵜⴰⵙ ⵏ ⵍⴳⵣⵉⵔⴰ, ⵎⵉⵔⵍⴰⴼⵜ, ⵙⵉⴷⵉ ⵡⴰⵔⵣⴳ, ⵜⵉⵍⵉ ⴷⴰⵔⵙ ⴰⵡⴷ ⵜⵓⵥⵍⴰⵢⵜ ⵏ ⵓⵏⵣⵡⵉ ⵉⵛⵡⴰⵏ ⵉⵜⵜⵓⵙⵙⴰⵏ ⵙ ⵜⵖⵢⴰⵙⵜ ⵎⴰⴷ ⵉⵍⴰ ⵓⵙⴳⴳⵯⴰⵙ.
