ⵉⵙⴽⵔ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ ‘’ ⵜⴰⵙⵏⵓⵔⴰⵢⵜ ⵜⴰⵏⵎⵏⴰⴹⵜ ⵏ ⵓⵣⵣⴳⵉⵔ ⵏ ⵉⵙⵏⵜⴰⵢ’’ ⵙ ⵎⴽⵍⵍⵉ ⴷ ⵜⵉⵡⵉ ⵜⵎⵜⵜⴰ 128 ⵙⴳ ⵓⵙⵍⴳⵏ ⴰⵎⴰⴷⴷⴰⵙ 111.14 ⵉⵥⵍⵉⵏ ⵙ ⵜⵎⵏⴰⴹⵉⵏ, ⵜⴳ ⵜⵙⵏⵓⵔⴰⵢⵜ ⵢⴰⵏ ⵡⵓⴳⴳⵉⴷ ⴰⵏⴰⵎⵎⴰⴽ ⵉⴹⴼⵕⵏ ⵉ ⵓⵙⵍⴳⵏ ⴰⵎⴰⵜⴰⵢ ⵖⵓⵔⵙ ⵜⴰⵙⵉⵎⴰⵏⵜ ⵜⴰⵎⵙⵙⵓⴳⵓⵔⵜ ⴷ ⵜⵥⵕⴼⴰⵏⵜ. ⵜⴹⴼⵕ ⵜⵙⵏⵓⵔⴰⵢⵜ ⵉ ⵜⵖⵖⵓⵍⴼⴰ ⵏ ⵓⵙⵇⵇⵉⵎ ⵏ ⵜⵎⵏⴰⴹⵜ, ⴰⵡⵜⵜⴰⵙ ⵙⴳ ⵜⵖⵖⵓⵍⴼⴰ ⴰⴷ ⴷ ⴰⴷ ⵜⵉⵍⵉ ⵜⵡⵓⵔⵉ ⵅⴼ ⵓⵣⵔⴰⴽ ⵏ ⵉⵎⴰⵙⵙⵏ ⵏⵏⵙ ⵉⵎⵥⵍⴰⵢ ⵉ ⵉⴱⴹⵉⵢⵏ ⵏ ⵓⵙⵍⴳⵏ ⴰⴷ ⴰⵎⴰⴷⴷⴰⵙ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵣⴷⵉⵏ ⵙ ⵜⵎⵙⴽⵉⵔⵉⵏ ⵏⵏⴰ ⴰⵙ ⵉⵜⵜⵓⴼⴽⴰⵏ. ⴷ ⴰⵔ ⵉⵜⵜⵓⵙⴽⴰⵔ ⵉ ⵜⵙⵏⵓⵔⴰⵢⵜ ⵢⴰⵏ ⵓⵎⴰⵜⵔ ⴰⵥⵕⴼⴰⵏ ⵙⴳ ⴷⴰⵔ ⵓⵡⴰⵏⴽ ⵉⵜⵜⵓⵙⵏⵉⵙⵏ ⵅⴼ ⵉⵥⴽⴰⵡⵏ ⵉⵎⴰⵜⴰⵢⵏ ⴷ ⵉⴳⵔⴰⵡⵏ ⵢⴰⴹⵏ ⵙ ⵓⵎⵙⴰⵙⴰ ⴷ ⵉⴹⵕⵉⵚⵏ ⵓⵣⵔⵉⴼⵏ ⵙ ⵉⵍⵍⴰ ⵓⵙⵡⵓⵔⵉ.
ⵉⵡⴰⵍⴰ ⴰⴷⵖⴰⵔ ⵏ ⵓⵏⵎⵀⴰⵍ ⵏ ⵜⵙⵏⵓⵔⴰⵢⵜ, ⵣⵣⵖ 01 ⵖⵓⵛⵜ 2022, ⵎⴰⵙⵙ ⴼⴰⴹⵍⵉ ⴱⵏⵎⴰⵏ, ⵏⵜⵜⴰ ⴷ ⴰⵎⵜⵡⴰⵍ ⵏ ⵓⵡⴰⵏⴽ ⵢⵓⵎⵥ ⵢⴰⴷ ⵜⴰⵎⴰⵙⴰⵢⵜ ⵏ ⵓⵙⵡⵓⴷⴷⵓ ⵏ ⵉⴷⵖⴰⵔⵏ ⵅⴰⵜⵔⵏⵉⵏ ⴳ ⵓⴳⵯⵏⵙ ⵏ ⵜⵙⵏⵓⵔⴰⵢⵜ ⵏ ⵓⵎⴰⵡⴰ ⴷ ⵡⴰⵎⴰⵏ, ⴰⵎⴳⴳⴰⵔⵓ ⵏⵏⵙⵏ ⴰⴷⵖⴰⵔ ⵏ ⵓⵏⵎⵀⴰⵍ ⵏ ⵜⵎⵀⵍⴰ ⵜⴰⵏⵎⵏⴰⴹⵜ ⵏ ⵓⵎⴰⵡⴰ ⴷ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⵜ ⵏ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⵜ ⴰⵔ ⵜⵉⴳⵉⵔⴰ ⵏ ⵢⵓⵍⵢⵓⵣ 2022.
