ⴰⵖⴰⵡⴰⵙ ⴰⵏⵎⵏⴰⴹ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ

ⵉⴳⴰ ⵓⵙⵖⵉⵡⵙ ⴰⵏⵎⵏⴰⴹ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⵢⴰⵜ ⵜⵏⵜⴰⵎⵜ ⵜⴰⵙⴰⵖⵓⵍⵜ ⵍⴰ ⵜⴻⵜⵜⴰⵡⵙ ⴳ ⵜⵙⵉⵍⴰⵡⵜ ⵏ ⵓⵎⵏⴰⴷ ⵏ ⵓⵙⵎⵙⴰⵙⴰ ⴰⵎⵓⵔⴰⵏ ⴷ ⵓⵙⵡⵓⵜⵜⵓ ⵏ ⵉⵙⵡⴰⵍⴰⵜⵏ ⵏⵏⵙ ⴳ ⵢⴰⵜ ⵜⵉⵣⵉ ⵏ 25 ⵏ ⵓⵙⴳⴳⵯⴰⵙ ⴳ ⵓⵙⵡⵉⵔ ⵏ ⵜⵎⵏⴰⴹⵜ. ⵎⴽⵍⵍⵉ ⵉⵙⵙⵔⵓⵙ ⵢⴰⵏ ⵓⵙⴰⵜⵉ ⴰⵎⴰⵜⴰⵢ ⵏ ⵜⴳⵎⵉ ⵜⴰⵏⵎⵏⴰⴹⵜ ⴷ ⵜⵙⵓⵍⴰⵏⵜ ⵉⵎⵙⴰⵙⴰⵏ ⴷ ⵢⵉⴳⵔⴰⵏ ⵉⵖⵔⵎⴰⵏⵏ ⴷ ⵉⴼⴰⵔⴰⵏⵏ, ⴷ ⵜⵙⵓⵎⴰⵔ ⵏ ⵉⵙⵏⵜⴰⵢ ⵉⵎⵓⵔⴰⵏⵏ ⵉⵏⵎⴰⵍⴰⵏ.
ⵜⵡⴰⵜⵜⵙ ⵜⵏⵜⴰⵎⵜ ⴰⴷ ⴰⵣⴷⴷⵓⵢ ⵏ ⵉⴽⵛⵛⵓⵎⵏ ⵏ ⵓⵡⴰⵏⴽ ⴷ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴷ ⵉⵎⵙⵙⴰⵔⵓⵜⵏ ⵓⵙⵍⵉⴳⵏ, ⴷ ⵓⴹⴼⵓⵕ ⵏ ⵉⵙⵜⴰⵢⵏ ⵏⵏⵙⵏ ⵉⵙⵜⵕⴰⵜⵉⵊⵉⵢⵏ ⴳ ⵢⵉⴳⵔ ⵏ ⵜⴳⵎⵉ ⴷ ⵓⵙⵎⵙⴰⵙⴰ, ⵙⴳ ⵓⵙⴽⴰⵔ ⵏ ⵓⵎⵛⴰⵡⴰⵕ ⵉⴱⴰⵔⴰⵡⵏ ⵜⵉⵣⵉ ⵏ ⵓⵙⵎⴰⵔ ⵏⵏⵙ, ⵙ ⵓⵎⵙⴰⵙⴰ ⴷ ⵉⵙⵡⴰⵍⴰⵜⵏ ⵏ ⵜⵙⵔⵜⵉⵜ ⵜⴰⵎⴰⵜⴰⵢⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵎⵙⴰⵙⴰ ⴰⵡⴷ ⴷ ⵜⵙⵜⵕⴰⵜⵉⵊⵉⵢⵉⵏ ⴷ ⵉⵖⴰⵡⴰⵙⵏ ⵉⵣⵓⵏⴰⵏⵏ ⴷ ⵉⵙⵖⵉⵡⵙⵏ ⵉⵣⵓⵏⴰⵏⵏ ⵉⵜⵜⵓⵙⴽⴰⵔⵏ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵓⵏⴰⵎⵓⵔ.

ⵙ ⵓⵢⴰ ⴰⵖⴰⵡⴰⵙ ⴰⵏⵎⵏⴰⴹ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴷ ⵢⵉⵎⵉⵙ ⵏⵏⴰ ⵉⴼⵔⵔⵓⵏ ⴰⵣⴷⴷⵓⵢ ⴳⵔ ⵉⵎⴰⵣⵣⴰⵍⵏ ⴰⴽⴽⵯ, ⵃⵎⴰ ⴰⴷ ⵜⵉⵍⵉ ⵜⴳⵎⵉ ⵜⴰⵖⵥⵓⵕⴰⵏⵜ ⴷ ⵜⵎⵙⵉⴷⴼⵜ. ⵍⴰ ⵉⵜⵜⴰⵡⵙ ⵓⵣⴷⴷⵓⵢ ⴰⴷ ⴳ ⵓⵙⵡⵓⵜⵜⵓ ⵏ ⵉⵙⵏⵜⴰⵢ ⵉⵏⵎⴰⵍⴰⵏ ⵏⵏⴰ ⵉⵣⵎⵔ ⴰⴷ ⴳⵉⵏ ⴰⵎ ⵉⴳⵊⴷⴰ ⵉⴷⵙⵍⴰⵏⵏ ⵏ ⵓⵙⴱⵓⵖⵍⵓ ⵏ ⵜⵎⵏⴰⴹⵜ, ⵙ ⵓⵎⵙⴰⵙⴰ ⴷ ⵓⵎⵏⴰⴷ ⵖⵣⵣⵉⴼⵏ ⴷ ⵢⴰⴳⴳⵓⴳⵏ ⴷⴰ ⵉⵜⵜⴰⵙⵉⵏ ⵙ ⵜⴰⵢⵏⵉⵜ ⵜⵉⵣⵣⵉⴳⵣⵉⵏ ⵏ ⵢⵉⵎⴰⵍ ⴷ ⵉⵏⴰⵥⴰⵕⵏ ⵏⵏⴰ ⵙ ⵉⵣⵎⵔ ⴰⴷ ⴷⵉⴷⵙⵏ ⵜⵎⵎⵉⴳⴳⵉⵔ ⵜⵎⵏⴰⴹⵜ.

ⵉⵎⵏⵣⴰⵢⵏ ⵏ ⵓⵖⴰⵡⴰⵙ ⴰⵏⵎⵏⴰⴹ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ

ⵜⵉⵕⵡⵉ ⵜⴰⴷⵎⵙⴰⵏⵜ

ⵍⴰ ⵉⵙⵎⵙⵙⵉ ⵓⵎⵏⵣⴰⵢ ⴰⴷ ⵅⴼ ⵓⵍⴽⴰⵎ ⵏ ⵓⵙⵙⴱⵖⵔ ⵏⵏⴰ ⴰⴽⴽⵯ ⵉⵜⵜⵓⵣⵎⴰⵔⵏ ⵙⴳ ⵉⵙⵓⴳⴰⵎ ⵉⴷⵎⵙⴰⵏⵏ ⵉⵜⵜⵓⴼⴽⴰⵏ ⴳ ⵜⵎⵏⴰⴹⵜ, ⵙⴳ ⵓⵙⵡⴰⵍⴰ ⵏ ⵉⵙⵙⴰⵔⵓⵜⵏ ⵏⵏⴰ ⵔⴰⴷ ⵉⵙⵙⴷⵓⵙ ⵙⴳ ⵜⵙⵔⵉ ⵜⴰⴷⵎⵙⴰⵏⵜ ⵉⵙⵓⵍⵏ. ⴰⵡⵜⵜⴰⵙ ⴷ ⴰⵙⴷⵓⵙ ⵏ ⵜⵣⵎⵔⵜ ⵜⴰⵎⵣⵉⵣⵡⵔⵜ ⵏ ⵜⵎⵏⴰⴹⵜ ⴷ ⵓⵙⴱⵓⵖⵍⵓ ⵏ ⵜⵓⵚⴽⵉⵡⵜ ⵏⵏⵙ ⵜⴰⵏⴰⴷⴷⴰⵡⵜ ⵙ ⵜⵡⵉⵍⴰ ⵏⵏⴰ ⵜⵜ ⵉⵜⵜⴰⵊⵊⴰⵏ ⴰⴷ ⵜⵎⵏⴰⵍⴰ ⴷ ⵉⵏⴰⵥⴰⵕⵏ ⵉⴷⵎⵙⴰⵏⵏ ⵏ ⵢⵉⵎⴰⵍ. ⵎⴽⵍⵍⵉ ⵉⵜⵜⵎⴰⵖ ⵅⴼⵜⴳⵎⵉ ⵏ ⵢⵉⴳⵔⴰⵏ ⵉⴷⵎⵙⴰⵏⵏ ⵉⵎⵙⵢⵓⴼⴰ ⵉⴷⵙⵍⴰⵏⵏ ⵣⵓⵏ ⴷ ⵜⴰⴽⵔⵣⴰ ⴷ ⵜⵎⴳⵓⵔⵉ ⴷ ⵜⵏⵓⴼⴰ, ⴰⵢⵍⵍⵉ ⵉⵙⵙⴷⵓⵙⵏ ⴰⵎⵢⴰⵙ ⴰⴷⵎⵙⴰⵏ ⴳⵔ ⵜⵙⴳⴳⵉⵡⵉⵏ ⵎⵣⴰⵔⴰⵢⵏⵉⵏ ⵏ ⵜⵎⵏⴰⴹⵜ.

ⵜⴰⵙⵓⵍⵜ ⵏ ⵉⵙⵓⴳⴰⵎ ⵉⴳⴰⵎⴰⵏⵏ ⴷ ⵓⴼⵔⴰⴳ ⵏ ⵡⴰⵎⵎⴰⵙⵏ ⴷ ⵓⵙⵖⵓⴷⵓ ⵏ ⵓⵙⵡⵉⵔ ⵏ ⵜⵓⴷⵔⵜ

ⴷⴰ ⵢⴰⴽⴽⴰ ⵓⵖⴰⵡⴰⵙ ⴰⵏⵎⵏⴰⴹ ⵢⴰⵜ ⵜⵉⵏⴷⵉ ⵜⴰⵎⵇⵇⵔⴰⵏⵜ ⵉ ⵜⵙⵓⵍⵜ ⵜⴰⵡⵏⴹⴰⵏⵜ ⵙⴳ ⵓⴼⵔⴰⴳ ⵏ ⵉⵙⵓⴳⴰⵎ ⵉⴳⴰⵎⴰⵏⵏ ⴷ ⵓⴼⵔⴰⴳ ⵏ ⵜⵡⵏⵏⴰⴹⵜ ⵙⴳ ⵓⵙⴼⵓⵜⵓ. ⵓⵢⴰ ⵏⵏ ⵢⵓⵎⴰ ⴰⵙⴷⵓⵙ ⵏ ⵓⵙⵎⵔⵙ ⵏ ⵉⵙⵓⴳⴰⵎ ⵙ ⵜⵡⵉⵍⴰ ⵜⴰⵙⵓⵍⴰⵏⵜ, ⴷ ⵓⴼⵔⴰⴳ ⵏ ⵜⵎⵢⴰⵙⵜ ⵜⴰⵡⵏⴷⴰⵏⵜ, ⴷ ⵓⴼⵔⴰⴳ ⵏ ⵓⵎⵢⴰⵏⴰⵡ ⴰⴱⵢⵓⵍⵓⵊⵉ ⴳ ⵜⵎⵏⴰⴹⵜ. ⴳ ⵜⴰⵎⴰ ⵏ ⵎⴰⵢⴰⴷ, ⵍⴰ ⵉⴱⴱⴰⴳ ⵓⵎⵏⵣⴰⵢ ⴰⴷ ⴰⴷ ⵉⵙⵖⵓⴷⵓ ⴰⵙⵡⵉⵔ ⵏ ⵜⵓⴷⵔⵜ ⵏ ⵉⵎⵣⴷⴰⵖⵏ ⵙⴳ ⵓⵙⵓⵊⴷ ⵏ ⵢⴰⵜ ⵜⵡⵏⵏⴰⴹⵜ ⵜⴰⴷⵓⵙⴰⵏⵜ ⴷ ⴼⵏ.ⵜⵏⴼⵍⵓⵙⵜ ⵏⵏⴰ ⵉⴼⵔⵔⵓⵏ ⴰⴱⵓⵖⵍⵓ ⴳ ⵢⴰⵜ ⵜⵉⵣⵉ ⵉⵖⵣⵣⵉⴼⵏ.

ⴰⵙⵓⵎⵓ ⴰⵏⴰⵎⵓⵏ ⴷ ⵓⵎⵓⵔⴰⵏ

ⵉⵡⴰⵜⵜⵙ ⵓⵎⵏⵣⴰⵢ ⴰⴷ ⴰⵍⴽⴰⵎ ⵏ ⵜⵣⵔⴼⵜ ⵜⴰⵏⴰⵎⵓⵏⵜ ⴷ ⵜⵎⵓⵔⴰⵏⵜ ⵙⴳ ⵓⴱⵟⵟⵓ ⴰⵏⵣⵣⴰⵔⴼⵓ ⵏ ⵉⵙⵓⴳⴰⵎ ⴷ ⵜⵏⵓⴼⴰ ⴳⵔ ⵜⵙⴳⴳⵉⵡⵉⵏ ⵏ ⵜⵎⵏⴰⴹⵜ, ⴳⴰⵏⵜ ⵜⵉⵖⵎⴰⵏⵉⵏ ⵏⵉⵖ ⵜⵉⴼⴰⵔⴰⵏⵉⵏ. ⴰⵡⵜⵜⴰⵙ ⴷ ⴰⵙⵓⴷⵔⵙ ⵏ ⵉⵎⵢⴰⴳⴰⵔⵏ ⴳⵔ ⵜⵙⴳⴳⵉⵡⵉⵏ ⴷ ⵓⵙⴷⵓⵙ ⵉⵙⵎⴷⵏ ⴳⵔⴰⵜⵙⵏ, ⴰⵢⵍⵍⵉ ⵉⵜⵜⴰⵡⵙⵏ ⴳ ⵓⵙⵖⵓⴷⵓ ⵏ ⵡⴰⵡⴰⴹ ⵖⵔ ⵜⵏⵓⴼⴰ ⵜⵉⴷⵙⵍⴰⵏⵉⵏ ⵣⵓⵏ ⴷ ⴰⵙⵍⵎⴷ, ⵜⴰⴷⵓⵙⵉ, ⴷ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ.

ⵉⵡⵜⵜⴰⵙⵏ ⵏ ⵓⵖⴰⵡⴰⵙ ⴰⵏⵎⵏⴰⴹ ⵉ ⵓⵙⵎⵙⴰⵙⴰ ⵏ ⵡⴰⴽⴰⵍ ⵏ ⵜⵎⵏⴰⴹⵜ ⵏ ⵓⴳⵯⵍⵎⵉⵎ ⵡⴰⴷ ⵏⵓⵏ

ⴰⵍⴽⴰⵎ ⵏ ⵓⵎⵛⴰⵛⴽⴰ ⴳⵔ ⵓⵡⴰⵏⴽ ⴷ ⵜⵎⵏⴰⴹⵜ ⵅⴼ ⵉⵙⵡⵓⴷⴷⵓⵜⵏ ⵏ ⵓⵙⵎⵙⴰⵙⴰ ⵏ ⵢⵉⴳⵔ ⴷ ⵓⵙⵖⵔⵜ ⵏⵏⵙ ⵙ ⵓⵎⵙⴰⵙⴰ ⴰⴽⴷ ⵢⵉⵥⵕⵉ ⴰⵙⵜⵕⴰⵜⵉⵊⵉ ⴷ ⵓⵏⵙⵙⴰⴳⴳⵯ

ⴰⵔ ⵉⴱⴱⴰⴳ ⵓⵖⴰⵡⴰⵙ ⴰⵏⵎⵏⴰⴹ ⴰⴷ ⵉⵍⴽⵎ ⴰⵎⵛⴰⵛⴽⴰ ⴳⵔ ⵓⵡⴰⵏⴽ ⴷ ⵜⵎⵏⴰⴹⵉⵏ ⵅⴼ ⵉⵖⴰⵡⴰⵙⵏ ⴷ ⵜⵎⵀⴰⵍ ⵉⵣⴷⵉⵏ ⴷ ⵓⵙⵎⵙⴰⵙⴰ ⴷ ⵓⵙⵖⵔⵜ ⵏ ⵢⵉⴳⵔ ⴰⵎⵓⵔⴰⵏ ⵙ ⵓⵎⵙⴰⵙⴰ ⴷ ⵢⴰⵏ ⵢⵉⵥⵕⵉ ⴰⵙⵜⵕⴰⵜⵉⵊⵉ ⴷ ⵓⵏⵙⵙⴰⴳⴳⵯ. ⴰⵎⵛⴰⵛⴽⴰ ⴰⴷ ⵍⴰ ⵉⵜⵜⴰⵡⵙ ⴳ ⵓⵙⵡⴰⵍⴰ ⵏ ⵉⵙⵓⴳⴰⵎ ⴷ ⵜⵓⴳⴳⴰⵙ ⵙ ⵜⵡⵉⵍⴰ ⵉⵕⵡⴰⵏ ⵖⵔ ⵓⵍⴽⴰⵎ ⵏ ⵉⵡⵜⵜⴰⵙⵏ ⵉⵛⵛⴰⵔⵏ ⵏ ⵜⴳⵎⵉ ⵜⴰⵎⵓⵔⴰⵏⵜ.

ⴰⵙⵔⵓⵙ ⵏ ⵓⵙⴰⵜⵉ ⴰⵎⴰⵜⴰⵢ ⵉ ⵜⴳⵎⵉ ⵜⴰⵏⵎⵏⴰⴹⵜ ⴷ ⵜⵙⵓⵍⴰⵏⵜ ⵉⵎⵙⴰⵙⴰⵏ ⴷ ⵢⵉⴳⵔⴰⵏ ⵉⵖⵔⵎⴰⵏⵏ ⴷ ⵉⴼⴰⵔⴰⵏⵏ

ⵉⵡⴰⵜⵜⵙ ⵓⵖⴰⵡⴰⵙ ⴰⴷ ⵉⵙⵔⵙ ⵢⴰⵏ ⵓⵙⴰⵜⵉ ⴰⵎⴰⵜⴰⵢ ⵏ ⵜⴳⵎⵉ ⵜⴰⵏⵎⵏⴰⴹⵜ, ⵉⵎⵙⴰⵙⴰⵏ ⴷ ⵉⵙⵖⴰⵡⵙⴰⵜⵏ ⵏ ⵜⵙⵓⵍⵜ ⵏ ⴷ ⵜⵎⵢⴰⵙⵜ ⴳⵔ ⵜⵙⴳⴳⵉⵡⵉⵏ ⵜⵉⵖⵔⵎⴰⵏⵉⵏ ⴷ ⵜⴼⴰⵔⴰⵏⵉⵏ. ⴰⵙⴰⵜⵉ ⴰⴷ ⵢⵓⵎⴰ ⵉⴳⵔⴰⵏ ⴰⴽⴽⵯ ⵉⴷⵙⵍⴰⵏⵏ ⵏ ⵜⴳⵎⵉ ⵣⵓⵏ ⴷ ⵜⵓⵚⴽⵉⵡⵜ ⵜⴰⵏⴰⴷⴷⴰⵡⵜ, ⵜⴰⴷⵎⵙⴰ, ⴰⵙⵍⵎⴷ, ⴷ ⵓⵙⵎⵙⵙⵉ ⵅⴼ ⵓⵍⴽⴰⵎ ⵏ ⵜⴳⵎⵉ ⵉⵙⵎⴷⵏ ⵢⵓⵎⴰ ⵜⵉⵙⴳⴳⵉⵡⵉⵏ ⴰⴽⴽⵯ ⵏ ⵜⵎⵏⴰⴹⵜ.

ⴰⵙⵡⵓⵜⵜⵓ ⵏ ⵉⵙⵜⴰⵢⵏ ⵉⵥⵍⵉⵏ ⵙ ⵉⵎⵉⵡⴰ ⴷ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⵜⵉⵅⴰⵜⴰⵔⵉⵏ ⵉⵏⵎⴰⵍⴰⵏ ⴳ ⵓⵙⵡⵉⵔ ⵏ ⵜⵎⵏⴰⴹⵜ

ⵍⴰ ⵉⵙⵡⵓⵔⵉ ⵓⵖⴰⵡⴰⵙ ⴰⵏⵎⵏⴰⴹ ⵅⴼ ⵓⵙⵡⵓⵜⵜⵓ ⵏ ⵉⵙⵉⵣⵡⵔⵏ ⵏ ⵜⵎⵏⴰⴹⵜ ⵙ ⵎⴰⴷ ⵉⵥⵍⵉⵏ ⵙ ⵓⵙⵓⵊⴷ ⵏ ⵉⵎⵉⵡⴰ ⴷ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⵜⵉⵅⴰⵜⴰⵔⵉⵏ, ⵏⵏⴰ ⵉⴳⴰⵏ ⴰⵏⵎⵏⵔⵓ ⴳ ⵓⵍⴽⴰⵎ ⵏ ⵜⴳⵎⵉ ⵜⴰⵙⵓⵍⴰⵏⵜ, ⵣⵓⵏ ⴷ ⵉⴱⵔⴷⴰⵏ, ⵉⵙⴳⵏⴰⴼ, ⵜⵉⵏⵎⴰⵍ, ⵜⵉⵏⵓⴼⴰ ⵜⵉⴷⵍⵙⴰⵏⵉⵏ. ⵉⵎⵉⵡⴰ ⴰⴷ ⴳⴰⵏ ⵉⴷⵙⵍⴰⵏⵏ ⵉ ⵓⴹⴰⴽⴰⵍ ⵏ ⵓⵙⵓⵊⴷ ⵏ ⵜⵏⵓⴼⴰ ⵜⵉⴷⵙⵍⴰⵏⵉⵏ ⵉ ⵉⵎⵣⴷⴰⵖⵏ ⴷ ⵓⵍⴽⴰⵎ ⵏ ⵓⴱⵓⵖⵍⵓ ⵏⵏⵙⵏ.

ⴰⵙⵡⵓⵜⵜⵓ ⵏ ⵢⵉⴳⵔⴰⵏ ⵏ ⵉⵙⵏⵜⴰⵢ ⵉⵏⵎⵏⴰⴹⵏ ⴷ ⵓⵙⵖⵉⵡⵙ ⵏ ⵜⵎⵀⴰⵍ ⵏ ⵓⵙⵉⵜⴳ ⵏⵏⵙⵏ ⴷ ⵉⵙⵏⵜⴰⵢ ⵏⵏⵙ ⵉⵏⵎⴰⵍⴰⵏ.

ⵢⵓⵎⴰ ⵓⵖⴰⵡⴰⵙ ⴰⵏⵎⵏⴰⴹ ⵏ ⵓⵙⵡⵓⵜⵜⵓ ⵏ ⵜⵙⴳⴳⵉⵡⵉⵏ ⵏⵏⴰ ⵉⵣⵎⵔⵏ ⴰⴷ ⵙⵙⴱⵖⵔⵏⵜ ⵙⴳ ⵉⵙⵏⵜⴰⵢ ⵉⵅⴰⵜⴰⵔⵏ ⵉⵏⵎⴰⵍⴰⵏ, ⴷ ⵜⵡⵓⵔⵉ ⵅⴼ ⵓⵙⵖⵉⵡⵙ ⵏ ⵉⵙⵏⵜⴰⵢ ⴰⴷ ⵙ ⵜⵡⵉⵍⴰ ⵉⴼⵔⵔⵓⵏ ⵜⴰⵙⵓⵍⵜ ⵏⵏⵙⵏ ⴷ ⵓⵙⵖⵍⵍⴰ ⵏ ⵉⵙⵓⴳⴰⵎ ⵉⴷⵖⵔⴰⵏⵏ ⵙ ⵜⵡⵉⵍⴰ ⵜⵉⵎⵕⵡⵉⵜ. ⵙⴳ ⵓⵙⴽⴰⵔ ⵏ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⵜⴰⵎⴰⵢⵏⵓⵜ ⴳ ⵜⵎⵏⴰⴹⵜ ⴷ ⵓⵍⴽⴰⵎ ⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⴷⵖⵔⴰⵏⵜ.